Husiya 13:10 - Udél Dwata: Gna Kesfasad ne Lomi Kesfasad

¹⁰ Gónóhen nô de yóm tau hol geta bélê ye anì du lemwà kuy? Dalang se yó kem genlal bè benwu ye, nô se lu du anì tnóbóng le yu? Tehe hni ye lu béléu se mò malak kuy.

Husiya 13:10 Referans Kwoze

Kun Snulat Jan 1:49

Mon Natanyél se, “Tahu, Sér, uu se yóm Ngà Dwata. Uu se yóm tau hol geta bè yó kem tau Israél.”

Sikaraya 14:9

Angat Dwata se yóm hol geta bè klamangen benwu. Bè yóm kdaw yó laen dù dumu Dwata, tek sónen du ne tek són kun boluy gónó le gel tmaba.

Husiya 13:4

“Ou se yóm sana kuy Dwata hol gónó mogot, yóm deng tehe lemwà kuy gu bè Idyip yóm benwu tehe gónó ye ghesek. Laen dù dumu Dwata ye, tek sónen o. Laen dù dumu lemwà kuy, tek sónen o.

Jirimaya 8:19

Hol hnungolem dé yóm kik yó kem tauhu, botong gefet bè klamang yóm benwu me. Yó mon le, “Deng tahu tebel Dwata kô Jirusalim? Là buden nô bè yó ne kô, igoen du yóm hol geta bélê le?” Yó balà Dwata kul, monen, “Moen de ke alì hebut le ou yó kem tauhu bè yóm gel ktaba le ebè yó kem dwata kéng, dwata laen dù muhen?”

Jirimaya 2:28

Nô se lu du yó kem dwata lenbù nmò ye? Ke sok wen gfà ye, hkodu ye bélê le anì lenwà le yu ke gbek le. Ó kem tau bè Juda, yóm tey kwen yó kem benwu gónó ye nô, lómón yó se kwenen yó kem dwata ye.

Isaya 43:15

Ou se gónó ye mogot yó kem tau Israél yóm Dwata laen dù belenen. Deng nmou yu ne ou se yóm hol dandónen geta bélê ye.”

Isaya 33:22

Ke wen bud mlan bè yó, gotu sidek yó kem htegen, baling laen dù bud muhen. Là bud gbek le mból du yó kem layalen. Yóm kdê kendengen yó kem hohon bè yóm kafal yó, gotu nwa tekuy. Ya tey kwenen, balù yóm tau tugô sana kwen kun nwa. Dwata se yóm hol geta bélê tekuy. Du se hol mogot tekuy ne mofin tekuy.

Kem Lingón 149:2

Ó kem tau Israél, hol hnigal ye yóm deng mifil kuy. Dalang se kuy, kem tau bè Jirusalim, hol hnigal ye yóm Hol Geta bélê ye.

Kem Lingón 89:18

Uu se, Dwata, deng tehe mélék du bélê me yóm tau mò mofin kum, yakà uu du yóm Dwata yó kem tau Israél yóm Dwata laen dù belenen. Uu se tehe mélék du yóm tau mò tau hol geta bélê me.

Kem Lingón 74:12

Uu se, Dwata, yóm dou Hol Geta lemwót bè kbuten. Uu se but gónó le gewà yó kem tau talak tonok.

Kem Lingón 44:4

Uu se yóm Hol Geta, ne uu se dou Dwata. Deng oluhem eta me kem sfu Jakub yóm kegmò me.

Kem Lingón 10:16

Dwata se yóm hol geta laen kô dù tul sónen. Yó kem tau gel tmaba ebè yó kem dwata kéng, tódô gotu kó Dwata lu bè yóm kun benwu.

2 Bok Kem Tau Hol Geta 17:4

Okóm kogolen bè yó, deng mom wen tau hógów Husiya ebè So yóm tau hol geta bè Idyip, nan e htóbóng béléen anì là buden mayad bè Salmanésér, lómón yóm deng gel nmò le béléen ket halay. Tikóng gungol yóm tau hol geta bè Asirya yóm nmò Husiya yó, hekfóen ne heblangguen.

1 Bok Kem Tau Hol Geta 12:20

Timbow gungol yó kem tau Israél fi bwak yóm deng bud kulék Jirubuam gu bè Idyip, yó gónó le htaba du anì mung bè yó kem tau deng stifun, ne du nmò le mò tau hol geta bè klamangen Israél. Duhen yó, tek són olo mung bè yó kem kun sfu Dabid, són yóm kun tbong Juda.

Husiya 3:4

Yó hnigaden yóm udél Husiya ni, nahen hol legen he bè yó kem tau Israél yóm klaen dù tagad tau hol geta bélê le duhen ke ngà tau hol geta mò malak kul. Nahen hol legen he yóm klaen dù bélê le bud demsù ebè Dwata ne laen se dù bud botu hdà le mò gónó le tmaba ebè yó kem dwata kéng gel tnaba le. Laen se bud dù tau blóng ebè Dwata ne balù yó kem dwata lennged, laen dù bud tonem lem blóng le.

1 Samwél 8:7

Ne yó balà Dwata du, monen, “Hnungolem yóm kdê udél le ebéléem yó kem tau. Là kô uu du yóm deng kenbê le, kaem ou yóm kenbê le mò mogot kul.