Husiya 11:9 - Udél Dwata: Gna Kesfasad ne Lomi Kesfasad

⁹ Là. Là kô tnafaku kuy ke là lemwóten bè yóm alì sidek kebutu kuy. Là kô hensulék genlau kuy, kem tau Israél, yakà ou du yóm hol Dwata, là tauhe tonok. Ou yóm laen dù belenen tendo nô bélê ye. Là kô yó du nmou ke naw e hensulék genlà yu lemwót bè yóm tey kebutu kuy.

Husiya 11:9 Referans Kwoze

Lista 23:19

Yóm Dwata kun, là kóen mkél bè tau gel mò kéng. Là mkélen bè tau gel mesfili kehedemen. Ke wen fasad Dwata, sal gel dnohoen. Ke wen udélen, sal dohò.

Jirimaya 30:11

Yakà tendohe nô bélê ye naw e lenwà yu. Gotu genlau yó kem benwu deng gónów e semkla kuy. Okóm yó dum kuy là kô genlau kuy. Bede là kô gbeku du ke là tnafaku kuy. Là kô lugunu kuy là tnafak,” mon Dwata.

Isaya 12:6

Yu kem tau menwu bè Sayun hol ye mensag dé, hol ye lemingón yakà teyen geta yóm Dwata yó kem tau Israél. Hol du se yóm Dwata laen kô dù belenen ne tódô henek nô lem blóng yó kem tauhen.” Là gomongen bè nili yóm tsaptér 13. Bè yóm tsapter ni htulón Dwata ke Isaya bè yó kem tau yóm angat kegbaen yóm benwu Babilun. Nélék Dwata yó kem tau Mid mò hemdeng gembà du. Laen dù kô kodu le ni kem tau ni. Monen bè bérs 19-22, “Babilun yóm benwu alì heklóón senta yó kem dumu benwu, angat gebà lómón yóm tehe benwu Sodom ne Gomora ne là buden gebtik. Balù hilu bud lugod sut, okóm yóm benwu Babilun laen kô dù tau bud menwu du. Balù yó kem tau menwu mógów là kô le móyô kmamfù du. Ne yó kem tau mentey ubiha là móyô le nô bè yó kifu. Yó kem ógóf lem bnes temles nô bè yóm syudad gbà yó. Deng eles lenidan ne yóm kdaw Babilun. Deng móyón kól ne yóm udas kegbaen.”

Malakay 3:6

“Ou se yóm sana Dwata hol gónó mogot ne là kóen monol nawahu. Yó se gónó ye là deng sulék meglà yu kem sfu Jakub lemwót bè yóm là konol nawahu.

Husiya 14:4

Yó udél yóm sana Dwata hol gónó mogot, monen, “Lemwót bè yóm deng kehegsel le, angat kóhu bè yó kem dou tau yóm nawa kmogol do. Hotuhu nawahu kembong nawa kul abay se là bud lenbutu kul ne.

2 Samwél 20:10

Okóm là kô dog ton Amasa du yóm deng kogot Juab duluk sigel iwóngen, tódô tbek Juab bè blututen, ne gotu msut ebè tonok tnahihen. Tek sulék Juab tembek du, deng sana matay. Omin Juab ne Abisay kem tau setwoli, hlós kemtes ke Siba ngà Bikri.

Kem Lingón 78:38

Okóm balù yó he, tey kkodu Dwata kul, hnifóten salà le, ne là kô genlaen kul. Tey dê duléken ne mafas du yóm kebuten kul, là hesuten du yóm alì sidek kebuten kul.

1 Samwél 26:8

Yó boyong Abisay ke Dabid, monen, “Deng tahu blay Dwata elem hólólem yóm hohonem kemdaw ni. Ni, hlusem o anì tbeku du yóm buyusen yóó anì mtool ebè tonok. Tek suléku tembek du là bud hewuhu du ne.”

Kem Lingón 46:5

Bè yóm syudad yó, yó se kun gónó nô Dwata, ne laen kô gembek gembà du yóm kun benwu. Hanà hlafus deng sana sut na a tmóbóng.

Isaya 31:1

Deng le gotu golu elem hatay ne yó kem tau na a htóbóng bè Idyip. Tô genléd nawa le yóm tey kgis kem tau Idyip bè gida, abay se wen yóm tey kudà le ne wen yóm tey klitun tók nit le sgida ne yóm tey sendalù wen le. Mom là dog snalig le ke Dwata, yóm kul Dwata yó kem tau Israél yóm Dwata laen kô dù belenen. Là kô le mni tóbóng béléen.

Isaya 41:14

Bud mon Dwata, “Yu kem tau Israél, là kô ye hol wen se kuy ne laen kô kgis ye. Okóm hol bê ye abay hlikò, ou se tmóbóng kuy. Ou se yóm kuy Dwata kem tau Israél yóm Dwata laen dù belenen. Ou se lemwà kuy.

Isaya 41:16

Sotun, lómón ke tmeef halay kmò ye kul. Gotu sohul ye lu eta ne mung le holis bè lenos. Angat wen lenos bong gotu semkla kul. Angat ye hligal bè yóm kdaw yó abay se ou se kuy Dwata. Angat tey kdóyón ye dou, yóm kuy Dwata yó kem tau Israél, yóm Dwata laen kô dù belenen.

Jirimaya 26:3

Déke gungol yó kem tau ne tenflok le yó kem sidek tendo gel nmò le. Ke yó nmò le, là kô hdohou du yóm keglau kul lemwót bè yó kem sidek gel nmò le.

Kem Lingón 85:4

Bud hesfulékem mi ebéléem, Dwata yóm Dwata gel lemwà kum. Hol klifótem ne yóm kebutem kum.