Husiya 11:7 - Udél Dwata: Gna Kesfasad ne Lomi Kesfasad

⁷ Yó gónó le gemfà du yó kem yó abay se deng tahu nawa le kmogol do yó kem tauhu. Baluen ke bud le htóbóng béléu, ou yóm Hol Dandónen Geta, là kô bud kenmónu kul.

Husiya 11:7 Referans Kwoze

Husiya 14:4

Yó udél yóm sana Dwata hol gónó mogot, monen, “Lemwót bè yóm deng kehegsel le, angat kóhu bè yó kem dou tau yóm nawa kmogol do. Hotuhu nawahu kembong nawa kul abay se là bud lenbutu kul ne.

Husiya 11:2

Okóm henlelu tmaba du, henlelen se kmogol do lanen demsù ebè yó kem lennged Baal ne mtem insinsu ebè yó kem dumu dwata lennged.

Jirimaya 3:11

Ominen yó bud mudél ebéléu yóm sana Dwata hol gónó mogot, monen, “Balù yóm deng kkogol le dou yó kem tau Israél, sidek senta yó he yóm kul nmò yó kem tau Juda bè yóm là kteneb le ebéléu.

Kem Udél Hlalak Tehe Selumun 14:14

Yóm tau seblékê kehedemen gutahen bungu yó kem deng nmoen ne yóm tau hyu kmoen gutahen se bunguhen yóm kun gel nmò.

Kem Lingón 81:11

Okóm là, là kô dog hnungol le dou yó kem dou tau. Là kô dog kenmón le dou yó kem tau Israél.

Husiya 4:16

Tey mgel kulu le yó kem tau Israél, mkél le bè yóm ngà safì tolo nungel. Angat tódô bayau lu ditu bè gónó le mótób. Angat le mkél bè yó kem ngà ubiha tódô mótób bè gónón lamang bnes ne laen dù mofin kul bè yó kem hohon le.

Jirimaya 14:7

Yó udél Jirimaya, monen, “Balù yóm tey kegsalà me, Dwata, nam na hol bud tnóbóng mi anì ton yó kem tólóng tau hmilol kum mò gónó le madat kóm. Deng tey dê dulék me kmogol kóm. Deng me gemsalà béléem.

Isaya 26:10

Balù yóm tey kganag nawahem bè yó kem tau sidek nmò le, ewenem là kô na le e dnalang du yóm tedeng. Balù bè yóm benwu yó kem tau tedeng nmò le, sana kmò le sidek. Là kô le móyô kemmón du yóm kegetahem.

Jirimaya 2:19

Yó kem sidek tendo gel nmò ye, bud mulék eta ye. Gnóm ye he yóm tey khééten ne yóm tey ksideken yóm ktagak ye dou yóm sana kuy Dwata hol gónó mogot. Yó se ulék yóm là klikò ye dou. Ou se yóm Dwata hol dandónen geta, yóm Dwata laen dù là gbeken du nim mudél ni.”

Jirimaya 7:25

Tódô lenwóten bè yóm kdaw tehe kehewà le gu bè Idyip yó kem tehe fù ye efet nim kmoen ni, són moen tendo wen kem tugodu mógów elem blóng ye.

Jirimaya 7:26

Okóm balù sotu bélê ye ke wen hmungol kul duhen ke kemmón kul. Mom hgel ye kulu ye ne knogol ye o senta yóm kul kkogol do yó kem tehe fù ye.