Husiya 11:5 - Udél Dwata: Gna Kesfasad ne Lomi Kesfasad

⁵ Okóm lemwót bè yóm là kóyô le semfulék ebéléu yó kem dou tau, yó gónó le angat bud semfulék ebè yóm tehe keghesek le lómón yóm deng glan le bè Idyip, ne yóm tau hol geta bè Asirya angat mogot kul lemwót bè yóm alì kmò le sidek.

Husiya 11:5 Referans Kwoze

Amus 5:27

Yó gónóm mon, angat hegefu yu mayuk etu bè benwu sentu Damaskus,” mon Dwata. Yó kun boluy, Dwata laen dù là gbeken du.

Amus 4:6

Yó bud monen, “Ou se yóm tehe heglumfak bitil bong bè ket syudad ye. Ewenem yó he sana là kóyô ye semfulék ebéléu,” mon Dwata.

Husiya 6:1

Yó udél yó kem tau Israél, mon le, “Géhél ye ne, bud tekuy semfulék ebè yóm sana kut Dwata hol gónó mogot. Tehe hendesen tekuy, okóm angat bud bnulungen tekuy. Tehe hnalien tekuy, okóm angat bud bnausen yó kem halì tekuy.

Husiya 5:13

Bè yóm kton kem tau Israél du yóm alì kwen des le ne ton yó kem tau bè Juda yóm alì kwen halì le, lemwót Israél mógów ebè benwu Asirya ebè yóm tau hol geta bè yó tô htóbóng béléen. Okóm laen se bang tóbóngen mò bulungen kul.

Dwata 17:16

Yóm tau nélék ye, hyu ke là hwenen du kem kudaen mò snakay yó kem sendaluen ne là se hyuhen ke wen tau hógówen mò na a bemli kudà bè Idyip, abay se deng tehe mon Dwata mò kuy hol bê ye abay bud mulék ebè Idyip.

Amus 4:11

“Deng wen genlau bè yó kem syudad ye lómón yóm tehe ksulék keglau yóm benwu Sodom ne Gumura. Yó kem dù mowil bélê ye, hol lómón ke yóm koyu deng ken ofi dolihen bè yóm keskot le du lem ofi. Ewenem sana là kóyô ye semfulék ebéléu,” mon Dwata.