Husiya 11:2 - Udél Dwata: Gna Kesfasad ne Lomi Kesfasad

² Okóm henlelu tmaba du, henlelen se kmogol do lanen demsù ebè yó kem lennged Baal ne mtem insinsu ebè yó kem dumu dwata lennged.

Husiya 11:2 Referans Kwoze

Husiya 2:13

Angat tnafaku bè yóm deng kehtulahen do lanen gel mtem insinsu ebè Baal ne gel leketen yó kem ngom blówónen, ominen mebel kem logi hemdóyón du,” udél yóm sana Dwata hol gónó mogot.

Jirimaya 18:15

Okóm yó kem dou tau, deng klifót le ou. Gel le mtem insinsu mò hboo le bè yó kem dwata kéng laen dù muhen. Deng mom senyat le yóm lan hyu tehe hlolò Dwata kul, mom yó lolò le yóm lan hono hitok.

Husiya 11:7

Yó gónó le gemfà du yó kem yó abay se deng tahu nawa le kmogol do yó kem tauhu. Baluen ke bud le htóbóng béléu, ou yóm Hol Dandónen Geta, là kô bud kenmónu kul.

Kul Nmò 7:51

Henlós Stéfén kudélen, monen, “Tey bong mgel kulu ye yóm yu. Là kóen nô bè nawa ye yóm kimón ye ke Dwata. Là kô dog hnungol ye du yóm udél Dwata, mo ye mom hbokong. Hol ye mkél bè yó kem tehe fù ye ekni. Ke wen tô tulónen kul yóm Tulus Dwata, deng mom nseng le klingu le.

Kun Snulat Jan 3:19

Ni se hol gónó tau megtuled. Deng kól lem benwu ne yóm layag. Okóm mom yó nóyô tau yóm gónón kmifu senta yóm layag lemwót bè yóm gel kmò le sidek.

Kun Snulat Luk 13:34

Yu kem tau menwu bè Jirusalim, sal gel hnatay ye yó kem tau tugod Dwata, ne gel hnatay sentudà ye botu yó kem gel hógów Dwata ebélê ye. Deng hilu duléku ne tô móyô sembung kuy, lómón tô kmou kuy, lómón yóm mlon gel kenleken elaan hafaken yó kem ngaen, okóm là kô ye dog móyô.

Sikaraya 7:11

Yó kem tehe fù ye ekni, là kô hnungol le du yóm udélu ni. Tey kehgel le kulu le, mom nseng le klingu le anì là gungol le du.

Jirimaya 35:13

“Ni se udél yóm Dwata laen dù là gbeken du, yóm Dwata yó kem tau Israél, monen, Holi mógów ebè yó kem tau bè Juda ne bè Jirusalim, monem mò kul, ‘Ngem wen dnalang ye bè yóm là kimón ye dou.

Nihimaya 9:30

Deng tey hilu halayen ne yóm tendo khanayem nawam lem blóng le. Kóm Tulus se fen gel hudél yó kem tugodem, okóm deng le mom hbokong yó kem tauhem. Yó gónóm mon, bud hlusem lu elem hólól yó kem tólóng but tau.

1 Bok Kem Tau Hol Geta 18:19

Duhen ni, gotu sentifunem lu yóm kdéen tau Israél anì stifun le béléu ditu ta Bulul Karmél. Bud sentifunem yóm fat latu limu folò kem tugod Baal, ne fat latu kem tugod Asira yó kem tau gel mken bè kun lemisa Jisébél.”

1 Bok Kem Tau Hol Geta 12:33

Ne bè yóm gesfoloen limu kdaw bè yóm gwoluhen bulón, yóm kdaw deng eles hetfingen, mógów ebè Bétél nan e demsù bè yóm gónó demsù deng hdaen bè yó. Gotu le hligal bè yóm kdaw deng eles htólóngen bè yó kem tau Israél.

Kmukum 2:13

Là bud le tmaba ebéléen, deng le mom tmaba ebè Baal ne bè yó kem lennged yóm dwata libun boluyen Astartis.

Sikaraya 1:4

Bê ye abay dnalang kul kmò yó kem tehe fù ye ekni, balù udì ke hnungol le yóm gel tulón le kul yó kem tehe gel tugodu elem blóng le, yóm tehe kmon le du mò kul, ‘Ni se udélen ebélê ye yóm Dwata laen dù là gbeken du, monen, Knogol ye ne yó kem sidek gel nmò ye, hol tenflok ye ne.’ Okóm balù udì ke hnungol le o duhen ke nimón le o.

Husiya 4:13

Deng le mom demsù ebè yó kem dwata kéng gu ta yó kem bulul. Mneged le eta yó kem bulul lemnek na le e mtem insinsu laan yó kem koyu alì lemimbà hangahen abay se tilob gónó hgolung laan le. Yó se gónó le baling libun hdóyón Baal yó kem ngà ye libun ne gónó le baling smamuk yó kem towu ye libun.

Husiya 4:17

Deng le tahu gfét bè yó kem dwata kéng yó kem tau Israél. Tódô bayà ye lu ne, hol bê ye abay gbót bè yóm nmò le.