Husiya 11:1 - Udél Dwata: Gna Kesfasad ne Lomi Kesfasad

¹ Yó udél yóm sana Dwata hol gónó mogot, monen, “Bè yóm hanà tolo kegenen ngà Israél, tey kbong nawahu du ne botong tnabahu gu bè Idyip yóm ngau logi yó.

Husiya 11:1 Referans Kwoze

Matyu 2:15

Ngang le nô bè yó efet matay Hirod. Ni se deng kdohoen yóm tehe mon Dwata bè Sulaten, hlanen bè yóm sotu tehe gna tugoden ekni, yóm monen, “Tnabahu yóm Ngau anì mulék gu bè Idyip.”

Kehewà 4:22

Duhen yó, hol tulónem du yóm udélu ni, yóm monu, ‘Yó kem tau Israél, hol tau dou nélék, hol lómón ke lu se yóm ngau logi twogu.

Husiya 13:4

“Ou se yóm sana kuy Dwata hol gónó mogot, yóm deng tehe lemwà kuy gu bè Idyip yóm benwu tehe gónó ye ghesek. Laen dù dumu Dwata ye, tek sónen o. Laen dù dumu lemwà kuy, tek sónen o.

Husiya 2:15

Ke deng semfulék ebéléu, angat bud huléku ebéléen yó kem tehe gónón mulu grép. Ne yóm benwu boluy le du Datal Gónô Glayam, angat henbalingu benwu gónón lemwót yóm kwen nefet nawahen. Bè yó angat gónón bud semfulék ebéléu lómón yóm tehe nmoen bè yóm hanà kegenen lomi libun bè yóm tehe kehewau du gu bè Idyip.”

Jirimaya 2:2

“Lemwóti ne, hol heglalagem bè kdéen tau lem Jirusalim, monem mò kul, ‘Ni se udélen ebélê ye yóm sana Dwata hol gónó mogot, monen, Gtulón nawaw yóm tey tehe kteneb ye béléu bè yóm hanà klomi ye tau. Tey kbong nawa ye dou, lómón yóm libun lomi myehen, tey kbong nawahen yóm tuha logihen. Balù elem yóm benwu là hyu menwu du, yóm benwu balù udì ke wen mowil du, ewenem sana klolò ye dou.

Malakay 1:2

Yó monen, “Tey kbong nawahu kuy lemwót bè kbuten.” Okóm mom yó balà ye du, “Gónóm deng hegfan du de yóm kbong nawam kum?” Ne yó balà Dwata kuy, monen, “Yóm Jakub ne Iso segeng ksut le. Okóm tey kbong nawahu ke Jakub kun yóm kuy fù dalang se yó kem lugoden.

Dwata 7:7

Là kóen lemwót bè yóm tey kwen ye yóm gónó Dwata kembong nawa kuy ne mélék kuy. Bè ktahuhen, yu se yóm but tau tehe là holen wen bè kdéen but tau talak tonok.

Kehewà 4:23

Deng monu mò kóm, hol hewótem yóm dou ngà anì tmaba ebéléu. Okóm là kói dog móyô. Mlan bè nim nmoem ni, gónóhu hmatay yóm ngaem logi twogu.’ ”

Kem Lingón 129:1

Lemwót bè hanà kudiu yóm tendo kehsidek le do yó kem hohonu, ni se yóm mon yó kem tau Israél,

Kehewà 19:4

Yó udél Dwata, monen, “Deng ton ye yóm deng nmou bè yó kem tau Idyip ne yóm kmò kwitu kuy gu bè Idyip. Yóm kwitu kuy hol lómón yóm kwit banug ngaen, sal gel suen ta hafaken. Lómón yó se kmò kwitu kuy edini béléu.

Dwata 33:3

Yóm Dwata, tey kbong nawahen kul yó kem kun tau, gotu le nô lem hólólen yóm kdê le. Tódô lolò le yóm kun klan ne henmóyô le yó kem hloloen kul.

Isaya 43:4

Gloku tódô bemlay yó kem dumu benwu mò soku kuy, abay se tey ye bong mebtes béléu ne alì bong nawahu kuy ne tey kadatu kuy.