Husiya 1:5 - Udél Dwata: Gna Kesfasad ne Lomi Kesfasad

⁵ Bè yóm kdaw ktafaku kul yó, angat tenfoku boho yó kem tau Israél ditu bè Datal Jisriil anì là gemmò le ne laen dù bud kgis le gmida hulin kdaw.”

Husiya 1:5 Referans Kwoze

Kmukum 6:33

Là legenen bè yó, gotu le stifun yó kem kdéen tau Midyan ne yó kem tau Amélék ne yó kem dumu tau nô bè yóm benwu laen hol wen tauhen fi dmata kdaw Él Jurdan, omin le mifal yóm Él Jurdan na le e kmamfù bè Datal Jisriil.

Husiya 2:18

Bè yóm kdaw yó angat wen senfasad me yó kem ógóf lóbô liwà lem bnes ne yó kem onuk koyu ne kdéen mowil manaf talak tonok anì là hensidek le kuy. Bè yóm kuy benwu yó, gotu kóhu bè yó, yó kem ngom sfatay, kdê yó kem sudeng ne kem hanak, abay se laen dù bud gida bè benwu ye, anì yó tódô ye henek laen dù hemen ye.

Kem Lingón 46:9

Tenfloken yó kem tau sgida bè klamangen benwu. Gotu tenfoken yó kem boho le, ne hensideken yó kem buyus le. Gotu nlóben yó kem klung le.

Kem Lingón 37:15

Okóm mom bud kul sudeng tles hmatay kul yó kem tau mò sidek yó. Yó kem boho le, gotu tfok.