Husiya 1:11 - Udél Dwata: Gna Kesfasad ne Lomi Kesfasad

¹¹ Ominen yó angat baling sotu benwu le yó kem tau bè benwu Juda ne yó kem tau bè benwu Israél ne sotu se tau nélék le mò mogot kul. Ne angat tey kból le ta yóm kul tonok. Ne angat tey kehligal bong bè yóm kdaw yó, yó se kun kdaw Jisriil.”

Husiya 1:11 Referans Kwoze

Husiya 3:5

Okóm kogolen bè yó angat le bud semfulék ebè yóm sana kul Dwata hol gónó mogot yó kem tau Israél. Bud le semfulék ebè yóm tau sfu Dabid mò mogot kul. Lemwót bè yóm tey klikò le ke Dwata, angat tódô setbol kkel le bè yóm bud kesfulék le ebéléen, bede angat guta le yó kem hyu angat tóbóngen kul elem hulin kdaw.

Jirimaya 31:33

Okóm ke deng kól yóm kdawen, ni se yóm lomi senfasad me yó kem tau Israél. Angat suu lem nawa le yó kem hlolou kul ne snulatu lem hendem le. Angat bud ou se mò kul Dwata ne lu se mò dou tau.

Sulat Pol Ebè Yó Kem Tau Hemtahu Bè Rom 11:15

Lemwót bè yóm kekbê Dwata kul, yó gónó le mit sefyu ebè Dwata yó kem tau là Ju le. Ke lómón yó, milud he yóm kehyuhen bélê ye sok le deng gotu bud semfulék ebè Dwata yó kem kun tau Ju. Hol lómó kegnóm tekuy du, lómón yóm tau deng mowil gu lem hatay.

Jirimaya 30:3

Abay se angat wen kdawen bud kehguléku klowil le yó kem dou tau bè Israél ne bè Juda. Bud nwitu lu semfulék eta yóm tonok tehe blayu yó kem tehe fù le ne angat kul yóm tonok ni bud le nô tahen. Ou se Dwata nim mudél ni.”

Kem Lingón 110:3

Bè yóm kdaw angat kwitem sgida, wen tey óyô le tmóbóng kóm yó kem tauhem. Yó kem ngà logi sendaluem alì mólós nes le, angat le sut béléem ket hlafus, hol lómón kmò le, lómón ke amù gel sut hlafus.

Jirimaya 30:7

Móyónen kól ne yóm kdawen wen tey glumfak, kdaw laen dù bud gónóm e hmingón du, kdaw le hol glayam yó kem dou tau Israél, okóm bè hol sónen gewà le.”

Jirimaya 30:21

Yóm tau malak kul lemwót bè kul kwen, là kô tólóng tau du. Tinoku yóm tau yó anì hloni ebéléu, mon Dwata. Ke là lemwóten bè yóm ktinoku du, laen kô dù tau mlos hloni ebéléu.

Jirimaya 32:37

Angat bud nwitu lu semfulék yó kem dou tau gu bè yó kem benwu deng gónóhu e semkla kul lemwót bè yóm tey kebutu. Hol ebè nim syudad ni se gónóhu bud e mit kul. Tódô menek ne kbenwu le ne laen kô dù hemen le.

Husiya 2:1

“Bè yóm kdaw yó, yó angat taba ye yó kem dumu ye setwoli logi Lo-ammi, ‘Dou tau.’ Ne yó angat taba ye yó kem dumu ye setwoli libun Lo-ruhama ‘Yó kem kenbong nawahu.’ ”