Hlolò 23:5 - Udél Dwata: Gna Kesfasad ne Lomi Kesfasad

⁵ Yóm tanay kehligal hmou kuy, duhen yóm kehligal ye mò du yóm ken bè Kdaw Khius. Yóm kehligal ye yó, hol nbut nmò ye bè sdef kdaw bè yóm gesfoloen fat kdaw bè yóm tanay bulón.

Hlolò 23:5 Referans Kwoze

Juswa 5:10

Bè yóm igò le tolo kmamfù bè Gilgal yó kem tau Israél bè yóm datal moni bè Jiriku, bud hnigal le yóm Kdaw Khius bè yóm móyón kifu bè gesfoloen fat kdaw bè yóm tanay bulón. Yó se yóm bulón tehe kewót le gu bè Idyip yó kem tau Israél.

Matyu 26:17

Timbow hto yóm tanay kdawen bè yóm mò ken bè yóm gel kken yóm mambang laen dù bulung henoken, mógów le ebè Jisas yó kem gel lemolò du, snólók le béléen, mon le, “Gónóm tô hmò du kum de yóm ken tekuy bè nim mò ken bè Kdaw Khius ni?”

Kun Snulat Luk 22:7

Timbow hto yóm kdaw kken le du yóm mambang laen dù bulung henoken, yó se yóm kdaw gel wen ngà ubiha hnatay le mò tnétê le bè yóm mò ken bong bè Kdaw Khius.

Mark 14:12

Deng hto yóm tanay kdawen bè yóm kmò le ken bong yó kem Ju, yóm mò ken gónó le gel mken du yóm mambang laen dù bulung henoken. Bè yóm kdaw yó, gel wen ngà ubiha hnatay le mò utón le bè yóm mò ken bè Kdaw Khius. Snólók le bè Jisas yó kem gel lemolò du, mon le, “Gónóm tô hmò du kum de yóm ken tekuy bè nim mò ken bè Kdaw Khius?”