Hlolò 23:40 - Udél Dwata: Gna Kesfasad ne Lomi Kesfasad

⁴⁰ Bè yóm hol tanay kdaw nit ye yóm hol hyu bè yó kem bungu koyu ye. Ne bud ye mit doun lefò dalang se yó kem hanga koyu alì dmoun bélê ye mò ngom slung ye. Omin ye yó mbut du yóm kehligal gónó ye madat yóm sana kuy Dwata hol gónó mogot.

Hlolò 23:40 Referans Kwoze

Deng Hegfan 7:9

Kogolen bè yó, bud nkayu ketngelu, ne tódô tonu se yóm tey genged tau. Ya tey kwen le, laen kô gembek msó kul. Lemwót le gu bè klamangen benwu, bè ket but tau, ne bè ket ból tau, ne bè ket udél tau. Gotu le mdà bè solu yóm gónón myón yóm fen kmamal lewu le yóm Ngà Ubiha. Gotu le mnes bukay, ne sket kul mogot doun koyu.

Flipay 4:4

Hol ye tendo gel hligal dé lemwót bè yóm deng kessotu ye bè yóm gónó tekuy mogot. Bud nulitu bélê ye yóm monu yó koni, hol ye gel hligal dé.

Sulat Pol Ebè Yó Kem Tau Hemtahu Bè Rom 5:11

Okóm là sónen du yó gónó tekuy hligal. Hligal tekuy bè yóm deng nmò Dwata hlanen bè yóm gónó tekuy mogot Jisas Krays, duhen yóm deng kesefyuhen tekuy ne Dwata.

Kun Snulat Jan 16:22

Senged se kuy, tolo ye langag ni kmoen ni. Okóm sok tekuy bud ston, bud wen tey kligal ye. Ne laen kô dù tau gembek mkó du bélê ye yóm kligal ye yó.

Kun Snulat Jan 12:13

Gotu le ma doun twok mò nit le semlong ke Jisas. Gotu le mensag, mon le, “Hol dóyón tekuy dé Dwata. Dwata he hol tmóbóng du yóm tau deng hógówen ni. Dwata he hol muyag du yóm tau hol geta bélê tekuy kem tau Israél.”Ne wen ton Jisas yóm sotu kay kudà boluyen asnu, ne nyónen. Yó se deng gónón dohò yóm tehe mon Dwata bè Sulaten, yóm monen,

Matyu 21:8

Ne tey dê bè yó kem tey tau mung ke Jisas, gotu nból le mulit lan yó kem dumu nes le. Wen se bélê le ma doun koyu, gotu hlasà le mulit lan mò gónó le hegfan yóm kadat le du.

Isaya 35:10

Angat tey kligal le bè yóm kgefet le bè yóm benwu yó, tey kesngal le ne kehsag le lemwót bè kligal le. Ne laen kô dù sónen yóm kligal le yó. Là bud wen lenangag le ne laen dù bud kenblat nawa le.

1 Pitér 1:8

Balù yóm là deng kton ye ke Jisas he, deng sana eles bong ne yóm nawa ye du. Balù là ton ye du ni kmoen ni, ewenem deng ye sana hemtahu béléen. Ne lemwót bè yóm kehtahu ye, laen selen yóm tey kligal ye, yóm kligal là gbek ye hmingón du.

Flipay 3:3

Bè ktahuhen, tekuy se yóm tau wen tahu ilóen, là kô lu du. Abay se tekuy se yó kem tau gel hloni bè Dwata hlanen bè Tulusen. Tekuy se yóm alì hligal lemwót bè yóm deng kessotu tekuy bè Krays Jisas. Là bud snalig tekuy du ne yó kem gel hlolò tau mò lan tekuy gewà gu lem hatay.

Kem Lingón 92:12

Okóm kul yó kem tau mimón ke Dwata, tey hyu klowil le hol lómón ke lefò tey tilob ktowoken. Ne tey kbegel le, hol lómón kbegel yóm koyu sidar bè Libanun.

Hlolò 23:39

Duhen yó, ke sok deng gotu kuta ye kul yó kem nuta ye nmò ye yóm Kehligal bè Slung. Hitu kdaw kegen ye sbung hmigal du nbut ye bè gesfoloen limu kdaw bè yóm ghitun bulón. Yóm hol tanay kdaw ne bè yóm hol són kdawen, yó se yóm hol kdaw ye hegnô.

Hlolò 23:41

Hitu kdaw ye kegen ye mò du yóm kehligal ni. Yóm hlolò ni, hol bud nulit lolò yó kem semfu gu bélê ye ne laen kô dù tul sónen yóm klolò le du.

Dwata 12:7

Bè yó snéen bè solu yóm sana kuy Dwata hol gónó mogot, yóm Dwata tendo gel tmóbóng kuy, gónó ye hligal mken du yó kem hyu deng leniteg ye, mung kuy yó kem fes lówó ye.

Kem Lingón 137:2

Sdang me yó kem kenbit me bè yó kem hanga koyu moni bè yó, là bud me móyô kembit kul.

Isaya 44:4

Bè yóm angat klowil le, hol le mkél bè yó kem bnes eles héfê tonoken ne mkél le bè yó kem koyu tmowok tmubé él.

Dwata 12:12

Ne bè yó bè solu Dwata hol ye hligal, mung kuy kem ngà ye ne yó kem tóbóng lówó ye ne yó kem sfu Libay menwu lem blóng ye. Hol bê ye abay hnuda lu yó kem sfu Libay, laen dù tonok le se kul.