Hlolò 23:37 - Udél Dwata: Gna Kesfasad ne Lomi Kesfasad

³⁷ Ni se yó kem kehligal ebè Dwata tulónu kuy mò gónó ye hegfan du yóm tey kadat ye ke Dwata mlan bè yóm gel kestifun ye tmaba ebéléen ne mlan bè yó kem gel dsù hkekeb ye ebéléen, yóm ken ne halay ne ógóf ne gomong yóm gel ninum ye, hono kem dsù hkekeb ye ebè Dwata bè yó kem kdaw kehmoen du kuy.

Hlolò 23:37 Referans Kwoze

Hlolò 23:2

“Hol tulónem yó kem tau Israél, wen mdengen kdaw le hligal stifun tmaba ebéléu. Yó kem kdaw yó, deng néléku mò hetfing le ebéléu. Ne gotu le stifun yóm kdê le kem tau Israél bè yó kem kdaw yó.”

Hlolò 23:4

Hol tulónem yó kem tau Israél, wen kem dumu kehligal bud hmou kul okóm hol nmò le bè yóm kdaw kehmou du kul.

Kehedem Tau Tmolok 3:1

Sal mdengen kul kdaw yóm kdéen gel nmò tau talak tonok.

Hlolò 23:38

Yó kem kdaw kehligal monu yó koni mò tnù yóm gel kestifun ye bè yóm Kdaw Kehegnô bè yó bè kuy gónô. Ne yó kem blay ye ke Dwata yó koni mò tnù yó kem halay gel blay ye du bè Kdaw Kehegnô ne mò tnù yó kem gel blay ye ke Dwata lemwót bè yó kem tehe fasad ye du, ne mò tnù yó kem gel blay ye ke Dwata, yóm blay tódô lemwót bè kuy nawa.

Hlolò 23:44

Tahu se, gotu tulón Musis bè kdéen tau Israél yóm kdê hlolò Dwata kul bè yóm kmò kehligal le tmaba ebéléen mò gónó le hegfan yóm kadat le yóm hol kul gónó mogot. Là gomongen bè nili yóm tsaptér 24 kól bè tsaptér 27. Tulónen yóm hlolò Dwata yó kem tau gel blóng ebéléen bè yóm kmò le nmò lem yóm kun Gónô. Bud tulónen yóm hlolò Dwata kul gbak bè yóm tonok yó kem tau Israél anì hol tembas. Tulónen snéen yóm tey któbóng Dwata kul ke nimón le yóm kdê hloloen kul ne yóm kmò ktafaken kul ke snonol le.