Hlolò 23:32 - Udél Dwata: Gna Kesfasad ne Lomi Kesfasad

³² Lenwóten bè sdef kdaw bè yóm gesyómen kdaw bè yóm bulón yó efet bud kól bè sdef kdaw bè yóm gesfoloen kdaw, yó se hol Kdaw Kehegnô. Ne béen abay wen tagad mken bè yóm kdaw yó.

Hlolò 23:32 Referans Kwoze

Hibru 4:11

Duhen yó, hol hotu tekuy són gel tekuy anì guta tekuy yóm kehegnô yó koni. Hol ten-gama kuy anì là mo tekuy mom mkél bè yó kem tau gnan ekni, là kô dog guta le du lemwót bè yóm là kehtahu le.

Hibru 4:3

Okóm bélê tekuy, kem tau hemtahu, angat guta tekuy se yóm deng fasad Dwata tekuy yó. Okóm yó kem tau là hemtahu du, là kô guta le du, hol lómón yóm tehe mon Dwata, yóm monen, “Tey sidek kebutu kul, ya tey kget kmonu du, ‘Hol là kô le gehlós edu kul yóm benwu mò gónó le hlós henek nô.’” Sundu yó gónó Dwata mon du yó ke là dengen deng he kmoen du yóm benwu monen yó, deng kem deng là sekna ne, tehe segeng bè yóm kedlimunen yóm klamangen.

1 Kurin 11:31

Okóm ke na tekuy na hol henklol yóm kmò tekuy, là kô tnafak Dwata tekuy.

Matyu 5:4

Tey kehyuhen bélê le kul yó kem tau ke wen lenangag le, abay se Dwata angat mifa kul.

Isaya 61:3

Yó kem tau alì wen kenangag le bè benwu Sayun, tles benlayu lu kligal ne kehyu nawa. Yó kem tau wen kenblat nawa le, tles blayu kul yóm sngal mò dmóyón ke Dwata. Hol lómón angat kmò le, lómón yó kem koyu kun hulu Dwata. Tódô kdê le gotu mò du yóm tedeng. Ne tey megdóyón Dwata bè yóm deng nmoen bélê le.

Isaya 57:15

Ou se yóm Dwata hol geta yóm Dwata laen dù belenen yóm hlós mowil laen kô dù tul sónen. Nóe bè yóm hol gónón geta ne hol gónón mólós. Okóm bude nô bè yó kem tau heglaan le knô le ne gel hen-gsel le salà le anì bud huléku ebélê le yóm kgel nawa le do ne anì wen nefet nawa le elem hulin kdaw.

Kem Lingón 51:17

Yó dé henged mò dsuu ebéléem, Dwata, duhen yóm hol keheglaanu béléem. Là kô nam e kenbê du yóm tau ke heglaanen knóen ne hegsel bè salaen.

Kem Lingón 35:13

Okóm bè yóm tehe kwen des le, tey klóngón nawahu kul. Sbole fasting ne mnihe bélê le bè Dwata, okóm yóm knihu yó, tódô mulék laen dù balaen.

Hlolò 16:31

Hol hetfing le yóm kdaw yó mò kdaw le fasting ne mò kdaw le là mò nmò. Yóm hlolò Dwata kul yó, laen kô dù tul sónen yóm klolò le du.

Hlolò 23:31

Yóm hlolò ni, hol bud lolò yó kem semfu gu bélê ye balù kihu gónó le nô.

Hlolò 23:33

Yó kmò kbut ye du yóm Kehligal bè Slung, nbut ye bè gesfoloen limu kdaw bè yóm ghitun bulón ne hitu kdaw ye kegen ye mò du.

Hlolò 16:29

Bud wen hlolò Dwata kul bè yóm kdaw kkóhen salà le ne laen kô dù sónen yóm klolò le du. Yó hloloen kul, bè yóm gesfoloen kdaw bè ghitun bulón, yó nmò yó kem tau Israél dalang se yó kem tólóng tau menwu lem blóng le, gotu le fasting ne bê le abay mò nmò.