Hlolò 23:31 - Udél Dwata: Gna Kesfasad ne Lomi Kesfasad

³¹ Yóm hlolò ni, hol bud lolò yó kem semfu gu bélê ye balù kihu gónó le nô.

Hlolò 23:31 Referans Kwoze

Hlolò 16:34

Ni kem hlolò Dwata ni, laen kô dù sónen yóm klolò le du. Yó kem tau Israél, là hyuhen ke là gotu lolò le du yó kem hlolò Dwata kul yó mò mkó salà le. Ket halay le mò du bede olon sulék. Tahu se, gotu nmò Musis yóm kdê hmò Dwata du yó. Là gomongen bè nili yóm tsaptér 17 kól bè tsaptér 18. Yó tulónen yóm nmò hol kenbê Dwata bè yó kem tau Israél anì mólós ktonen kul, duhen yóm là kken le litô ne bê le muget.

Hlolò 23:30

Ne ke wen tau mò nmò bè yóm kdaw yó, ou se hmatay du.

Hlolò 23:32

Lenwóten bè sdef kdaw bè yóm gesyómen kdaw bè yóm bulón yó efet bud kól bè sdef kdaw bè yóm gesfoloen kdaw, yó se hol Kdaw Kehegnô. Ne béen abay wen tagad mken bè yóm kdaw yó.

Hlolò 23:14

Ke là na ye gna nmò du yóm blay ye ke Dwata yó, hol bê ye tagad ken yó kem lomi nuta ye, baluen ke tolo matak duhen ke deng senla ye duhen ke deng baling mambang. Yóm hlolou kuy yó, angat bud lolò yó kem semfu gu bélê ye ne laen kô dù tul sónen yóm klolò le du.

Hlolò 23:21

Bè yóm kdaw yó, hol béen wen tagad mò nmò okóm hol ye stifun tmaba ebè Dwata. Yóm hlolò Dwata kuy yó, angat bud lolò yó kem semfu gu bélê ye balù kihu gónó le nô. Ne laen kô dù sónen yóm klolò le du.