Hlolò 23:21 - Udél Dwata: Gna Kesfasad ne Lomi Kesfasad

²¹ Bè yóm kdaw yó, hol béen wen tagad mò nmò okóm hol ye stifun tmaba ebè Dwata. Yóm hlolò Dwata kuy yó, angat bud lolò yó kem semfu gu bélê ye balù kihu gónó le nô. Ne laen kô dù sónen yóm klolò le du.

Hlolò 23:21 Referans Kwoze

Hlolò 23:2

“Hol tulónem yó kem tau Israél, wen mdengen kdaw le hligal stifun tmaba ebéléu. Yó kem kdaw yó, deng néléku mò hetfing le ebéléu. Ne gotu le stifun yóm kdê le kem tau Israél bè yó kem kdaw yó.”

Hlolò 23:14

Ke là na ye gna nmò du yóm blay ye ke Dwata yó, hol bê ye tagad ken yó kem lomi nuta ye, baluen ke tolo matak duhen ke deng senla ye duhen ke deng baling mambang. Yóm hlolou kuy yó, angat bud lolò yó kem semfu gu bélê ye ne laen kô dù tul sónen yóm klolò le du.

Hlolò 23:4

Hol tulónem yó kem tau Israél, wen kem dumu kehligal bud hmou kul okóm hol nmò le bè yóm kdaw kehmou du kul.

Tekang Kbuten 17:7

Nim fasadu kóm ni ne yó kem angat sfuhem,” mon Dwata, “là kóen bud mulék elem baku, hol fasad laen kô dù tul sónen. Yó fasadu kóm, ou se hol kóm Dwata ne bud ou se hol kul Dwata yó kem angat sfuhem.

Hlolò 23:7

Bè yóm hol tanay kdaw ye mò du, hol ye stifun tmaba ebè Dwata ne hol béen abay wen tagad mò nmò.

Hlolò 23:20

Lemwót yóm tau gel blóng ebè Dwata, du mit du ebè Dwata yóm mambang blay ye yó koni, mung du yóm lewu ubiha logi hanà sfalayen mò basa ye ke Dwata. Yóm dsù ye yó, tey mólós kton Dwata du ne yó kem tau blóng ebè Dwata fen mken du.

Hlolò 23:25

Mit ye ken mò dsù hkekeb ye ebéléen ne hol béen abay wen tagad mò nmò.

Hlolò 23:31

Yóm hlolò ni, hol bud lolò yó kem semfu gu bélê ye balù kihu gónó le nô.