Hlolò 23:20 - Udél Dwata: Gna Kesfasad ne Lomi Kesfasad

²⁰ Lemwót yóm tau gel blóng ebè Dwata, du mit du ebè Dwata yóm mambang blay ye yó koni, mung du yóm lewu ubiha logi hanà sfalayen mò basa ye ke Dwata. Yóm dsù ye yó, tey mólós kton Dwata du ne yó kem tau blóng ebè Dwata fen mken du.

Hlolò 23:20 Referans Kwoze

Dwata 18:4

Bélê le snéen gónón e solu yóm hol tanay gel bad yó kem tau ebè Dwata, yóm tanay nuta le bè halay ne bè yóm tifas grép gel ninum ne bè hnolo ulib ne bè yóm bul nóngós le bè ubiha.

Ifisus 2:14

Yakà du yóm fen semfyu tekuy kem tau Ju ne kem tau là Ju le, ne sensotuhen tekuy. Bè yóm katayen bè kros, deng gónón gembà du yóm seng gónó tekuy tehe sfohon.

1 Kurin 9:11

Lómón ni se yóm kum nmò lem blóng ye. Hol lómón ke deng hulu me yóm udél Dwata lem blóng ye, ne laen kô dù sónen yóm kehyuhen bélê ye. Yó gónón là layab ke hlowil me se bélê ye, abay se nuta me bungu yóm kum leniteg.

Kun Snulat Luk 2:14

“Hol dóyón tekuy yóm Dwata nô bè yóm hol són longit geta. Ne hol wen kenek nawa kem tau te tonok, yó kem tau gel hefligal ke Dwata.”

Hlolò 23:17

Ket kmuleng, wen lewu botu mambang lembang nwiten mò basa le ke Dwata. Bè yóm kmò le du, sal lewu kilu arinahen yóm sotu mambang ne wen bulung henoken. Ni se yóm mambang lemwót bè yóm lomi nuta ye mò basa ye ke Dwata.

Hlolò 23:19

Bud ye bemlay sotu kambing logi mò dsù ye bè salà ye ne lewu ubiha logi hanà sfalayen mò dsù ye bè yóm gel kestifun ye hligal lemwót bè yóm deng kessotu ye bè Dwata ne bè dumu tau.

Hlolò 23:21

Bè yóm kdaw yó, hol béen wen tagad mò nmò okóm hol ye stifun tmaba ebè Dwata. Yóm hlolò Dwata kuy yó, angat bud lolò yó kem semfu gu bélê ye balù kihu gónó le nô. Ne laen kô dù sónen yóm klolò le du.