Hlolò 23:19 - Udél Dwata: Gna Kesfasad ne Lomi Kesfasad

¹⁹ Bud ye bemlay sotu kambing logi mò dsù ye bè salà ye ne lewu ubiha logi hanà sfalayen mò dsù ye bè yóm gel kestifun ye hligal lemwót bè yóm deng kessotu ye bè Dwata ne bè dumu tau.

Hlolò 23:19 Referans Kwoze

2 Kurin 5:21

Yóm Krays, laen kô bang salaen kun. Okóm lemwót bè yóm któbóng Dwata tekuy, yó gónón fen hbô du ke Krays yó kem salà tekuy. Lemwót bè yóm deng kessotu tekuy bè Krays, deng tekuy gomong ne bè yóm kun ktedeng Dwata.

Sulat Pol Ebè Yó Kem Tau Hemtahu Bè Rom 8:3

Yóm hlau, là kô gbeken mkó du yóm kfasang yóm salà bè klowil tekuy abay se laen dù tau tódô gembek lemolò du lemwót bè yóm tey klunog tekuy. Okóm wen kun atul Dwata, hógówen yóm Ngaen na a hbaling bè lówó tau, lómón yóm lówó tekuy kem tau gemsalà na a matay mò lanen tmuled yóm salà.

Hlolò 16:15

Kesok deng kmò Aron du yóm yó, ominen hewà nan e hnatay yóm kambing hedsù le du ebè Dwata yó kem tau. Nwahen litô yóm kambing yó ne nwiten elem yóm Dfél hol gónó Dwata nô ne bud hentsiken sulék bè kilil yóm sefeng yóm Slungan Fasad, ne bud hitu duléken hemtsik du bè lówóhen lómón yóm deng gna nmoen bè litô yóm safì tudu kun dsù.

Hlolò 23:18

Yó hmung kdéen tau Israél du yóm mambang yó, hitu ubiha hanà sfalayen ne sotu safì tuduhen ne bud lewu kem ubiha logihen, bede yóm laen dù óngó le. Yó se yóm dsù hkekeb ye ebè Dwata ne wen halay hmung ye du mò blay ye ne bud henmung ye yóm kuy gel ninum. Yóm boo yóm dsù ye yó hligal du Dwata.

Hlolò 23:20

Lemwót yóm tau gel blóng ebè Dwata, du mit du ebè Dwata yóm mambang blay ye yó koni, mung du yóm lewu ubiha logi hanà sfalayen mò basa ye ke Dwata. Yóm dsù ye yó, tey mólós kton Dwata du ne yó kem tau blóng ebè Dwata fen mken du.