Hlolò 23:18 - Udél Dwata: Gna Kesfasad ne Lomi Kesfasad

¹⁸ Yó hmung kdéen tau Israél du yóm mambang yó, hitu ubiha hanà sfalayen ne sotu safì tuduhen ne bud lewu kem ubiha logihen, bede yóm laen dù óngó le. Yó se yóm dsù hkekeb ye ebè Dwata ne wen halay hmung ye du mò blay ye ne bud henmung ye yóm kuy gel ninum. Yóm boo yóm dsù ye yó hligal du Dwata.

Hlolò 23:18 Referans Kwoze

Hlolò 23:17

Ket kmuleng, wen lewu botu mambang lembang nwiten mò basa le ke Dwata. Bè yóm kmò le du, sal lewu kilu arinahen yóm sotu mambang ne wen bulung henoken. Ni se yóm mambang lemwót bè yóm lomi nuta ye mò basa ye ke Dwata.

Hlolò 23:19

Bud ye bemlay sotu kambing logi mò dsù ye bè salà ye ne lewu ubiha logi hanà sfalayen mò dsù ye bè yóm gel kestifun ye hligal lemwót bè yóm deng kessotu ye bè Dwata ne bè dumu tau.