Hlolò 23:13 - Udél Dwata: Gna Kesfasad ne Lomi Kesfasad

¹³ Ne bud henmung ye lewu kilu arina bnool hnolo ulib mò dsù hkekeb ye ebéléen. Ne bè boo yóm dsù ye yó, hligal du Dwata. Ne bud henmung ye sotu litru yóm tifas grép gel ninum alì mnóm.

Hlolò 23:13 Referans Kwoze

Juwél 2:14

Ke semfulék ye ebéléen, déke là hendohoen du yóm tô nmoen bélê ye ne mom bud tnóbóngen yu, hwenen tbas ye ne tifas grép ye anì wen bud blay ye ebéléen yóm sana kuy Dwata hol gónó mogot.

Juwél 1:13

Yu kem tau gel blóng ebè Dwata, mnes ye sakù. Hlangag ye, yu kem gel mò nmò bè gónó demsù. Géhél ye ne, yu kem tau gel mò nmò bè Dwata, suloy ye buteng mnes sakù. Laen kô dù bud halay ne tifas grép blay ye ebè Gónô yóm kuy Dwata.

Juwél 1:9

Laen dù bud halay ne duhen ke tifas grép mò bud blay tekuy ebè Gónô Dwata. Gotu le langag yó kem tau gel blóng ebè Dwata, lu yó kem tau gel mò nmò bè Dwata.

Hlolò 23:12

Bè yóm kdaw keblay ye du ke Dwata yóm tanay logom ye, hol homong hkekeb ye béléen yóm sotu ngà ubiha logi hanà sfalayen, yóm laen dù óngóhen.