Hlolò 23:12 - Udél Dwata: Gna Kesfasad ne Lomi Kesfasad

¹² Bè yóm kdaw keblay ye du ke Dwata yóm tanay logom ye, hol homong hkekeb ye béléen yóm sotu ngà ubiha logi hanà sfalayen, yóm laen dù óngóhen.

Hlolò 23:12 Referans Kwoze

1 Pitér 1:19

Okóm yó soken tekuy, duhen yóm litô Krays, yóm litô laen dù gembek mayad du. Yóm Krays, hol lómón yóm ubiha gel hnatay le mò dsù le ebè Dwata, yóm ubiha alì hyu, bà udì ke wen gónón sidek.

Kehewà 12:5

Yóm ubiha nélék ye duhen ke kambing, hyu ke hanà tolo sfalayen, yóm laen dù óngóhen bede logi.

Hlolò 23:11

Du fen bemlay du ke Dwata yóm basa ye du yó anì henmóyô Dwata. Bede yó he keblayen du ke Dwata senta yóm Kdaw Kehegnô.

Hlolò 23:13

Ne bud henmung ye lewu kilu arina bnool hnolo ulib mò dsù hkekeb ye ebéléen. Ne bè boo yóm dsù ye yó, hligal du Dwata. Ne bud henmung ye sotu litru yóm tifas grép gel ninum alì mnóm.