Hlolò 19:9 - Udél Dwata: Gna Kesfasad ne Lomi Kesfasad

⁹ Ke deng bang ye muta, bê ye abay nuta yó kem halay nô hilol kilil ne bê ye abay bud senfulék nuta yó kem oyok.

Hlolò 19:9 Referans Kwoze

Hlolò 23:22

Ke sok bang ye muta, hol bê ye abay nuta yó kem halay nô hilol kilil ne bê ye abay senfulék noyok yó kem dù tebel. Tebel ye lu bè yó kem tau élél ne bè yó kem tólóng tau menwu lem blóng ye. Ou se yóm sana kuy Dwata hol gónó mogot.

Rut 2:15

Tikóng deng bud lemwót moyok Rut, yó mon Buas bè yó kem tau muta, “Tódô bayà hoyok ye bè tu kem tolo gónón wen halay masà ne bê ye abay mom bnólów. Ne ma ye bè yó kem logom ye ne tebel ye béléen mò tnù yóm noyoken.”

Rut 2:2

Sotu kdaw, mon Rut mò ke Numi, “Ke yó dum hyu béléem, Wê Libun, lelene tô moyok dé. Wen he yó tau móyô hoyok dou bè dnaduhen.” Mon Numi se mò du, “Duónen se, Yô, ke móyói.”

Hlolò 23:29

Ke wen tau mken bè yóm kdaw yó, là buden gomong bè yó kem kun tau Dwata ne yóm tau yó.

Hlolò 19:8

Ke wen tau mken du, deng lenemegen ne yóm deng hetfing ye ebéléu. Ne yóm tau lememeg mken du yó, là kô bud dou tau du ne.

Hlolò 19:10

Ne bè yóm gónó ye mulu grép, hol bê ye abay bud semfulék e du ke tô bud nebel ye yó kem grép tehe là ton ye du, duhen ke tô bud nulut ye yó kem grép tehe btang ebè tonok. Tódô tebel ye lu bè yó kem tau élél ne bè yó kem tólóng tau nô lem blóng ye. Ou se yóm sana kuy Dwata hol gónó mogot.

Rut 2:8

Omin Buas mógów ebè Rut ne monen mò du, “Ó Ngà, ni wen hlauhu kóm. Béi bud moyok eddoli ne. Tódói gel mung bè yó kem libun mò nmò béléu bè ni.