Hlolò 19:4 - Udél Dwata: Gna Kesfasad ne Lomi Kesfasad

⁴ Bê ye abay knogol ou ke tô lan ye tmaba ebè yó kem dwata lennged. Bê ye abay temwél yó kem dwata lennged ke mò gónó ye tmaba. Ou se yóm sana kuy Dwata hol gónó mogot.

Hlolò 19:4 Referans Kwoze

Kehewà 34:17

Béen abay wen bélê ye mò yó kem dwata lennged tenwél le ne hol bê ye abay tmaba ebélê le.

1 Jan 5:21

Yó ne kóó, kem ngà. Hol ye hlayuk bè yó kem dwata kéng.

Dwata 27:15

‘Hol tnafak Dwata ke wen tau mò dwata lennged gu bè botu, duhen ke bè koyu, duhen ke bè yó kem gel tenwél le, ne ke lifuten yóm gel ktabahen ebéléen. Yóm nmoen yó, tey sidek kekbê Dwata du.’ Ne kdéen tau gotu hem-el du, mon le, ‘Tahu yó.’

1 Kurin 10:14

Duhen yó, kem dumuhu sogot nawa, hol bê tekuy abay gmung bè yóm ktaba le bè yóm dwata kéng.

Kem Lingón 96:5

Yó kem kul dwata yó kem tau bè dumu benwu, hono dwata lenbù nmò le. Okóm yóm kut Dwata, du se tehe dmimun du yó kem longit seglafin.

Kehewà 32:4

Omin Aron ma kul ne hnoen. Ominen temwél du ngà safì tudu blówón. Ne yó mon yó kem tau, “Ó kem tau Israél, ni se yóm dwata lennged tekuy, yóm deng hewà tekuy gu bè Idyip.”

Hagay 2:18

Nim kemdaw ni,” mon Dwata, “gewuhen folò fat kdaw bè yóm gesyómen bulón, kdaw kehdeng ye du yóm gónón mteg yó kem hehek yóm dou Gónô. Lenwóten ni, nénég ye yóm kmò kógów klowil ye.

Hlolò 19:5

Bè yóm gel khatay ye yóm ógóf dsù ye mò ken ye bè yóm gel kestifun ye hligal lemwót bè yóm deng kessotu ye béléu ne bè dumu tau, hol lolò ye yó kem deng hlolou kuy. Ke lolò ye, henmóyóu yóm ógóf dsù ye yó.

1 Tutul Israél 16:26

Yó kem dwata kul gónó e gel tmaba yó kem tau bè dumu benwu, hono dwata lennged. Okóm yóm Dwata tekuy, du se dmimun du yóm longit seglafin.

Hlolò 19:25

Okóm bè yóm glimuhen halay, hyu ne kken ye kul yó kem bungu koyu ye. Ke hol lolò ye yó kem monu yó angat tey kbungu le yó kem koyu ye. Ou se yóm sana kuy Dwata hol gónó mogot.

Dwata 4:16

anì là gemsalà ye bè Dwata ke lan ye mò yó kem dwata lennged balù kihu kayen, logi duhen ke libun,

Dwata 7:25

Gotu dnutung ntem ye yó kem dwata lennged le. Bê ye abay tô niwol yó kem dwata lennged nmò le bè tahu blówón ne bè blówón bukay ne hol bê ye abay tô nwa ke mò kuy. Ke nwa ye, bè yó ne gónó ye gholot abay se tey kenbê Dwata yóm tau tmaba ebè yóm dwata kéng.

1 Bok Kem Tau Hol Geta 14:9

Okóm kóm deng tey gedlug yó kem sidek deng gel nmoem senta yó kem dumu tau gna mowil béléem. Deng tey dê dwata kéng nmoem, ne deng hefebutem o mlan bè yóm ketwélem yó kem ngà safì tudu nmoem bè tahu blówón.