Hlolò 19:37 - Udél Dwata: Gna Kesfasad ne Lomi Kesfasad

³⁷ Hol gotu nimón ye yóm kdê hlauhu kuy ne yóm kdê hlolou kuy. Ou se yóm hol gónó mogot.” Là gomongen bè nili yóm tsaptér 20 kól bè tsaptér 22. Tulónen yóm kmò ktafak Dwata yó kem tau là mimón du yó kem hloloen kul. Tulónen snéen yóm hlolò Dwata yó kem tau blóng ebéléen anì mólós ktonen kul. Bud tulónen snéen yóm hlolò Dwata kul gbak bè yó kem gel kedsù le ebéléen.

Hlolò 19:37 Referans Kwoze

Dwata 8:1

Yó bud mon Musis mò kul, “Yó kem hlau htugod Dwata dou ebélê ye kemdaw ni, hol ye hteneb mimón du anì mowil ye ne mból ye ne henek ye ta yóm tonok tehe fasad Dwata yó kem tehe fù ye.

Dwata 5:1

Omin Musis gotu htaba yó kem tau Israél ne monen mò kul, “Ó kem tau Israél, hol hnungol ye yó kem hlau Dwata tulónu kuy kemdaw ni. Hol dnalang ye ne hol nimón ye.

Kem Lingón 119:34

Benlayem ou khulung temnef anì nimónu yóm hlauhem, ne hewótu lem but blututu yóm kimónu du.

Kem Lingón 119:4

Deng wen hmoem kum, Dwata, duhen yóm hol kimón me yó kem hlauhem kum.

Hlolò 19:36

Timbangem yóm timbang là kmulangen ne yóm btes tahu btes. Ou se yóm sana kuy Dwata hol gónó mogot yóm deng mit kuy hewà gu bè Idyip.

Hlolò 19:19

Hol nimón ye yó kem dou hlau kuy. Bê ye abay senfebô lu yó kem ógóf stólóng kay le. Bê ye sensotu gónó ye mulu du bè tonok ye yóm stólóng kay lem hulu. Bê ye abay lesek yóm nes là senged kay holuhen.