Hlolò 19:34 - Udél Dwata: Gna Kesfasad ne Lomi Kesfasad

³⁴ Hol lómón kmò ye kul lómón ke kuy dumu Israél, ne hol kenbong nawa ye lu lómón kbong nawa ye yóm kuy knô. Hol hentulón nawa ye yóm tehe któlóng ye tau bè Idyip se kuy. Ou se yóm sana kuy Dwata hol gónó mogot.

Hlolò 19:34 Referans Kwoze

Dwata 10:19

Duhen yó bélê ye se kuy, hol kenbong nawa ye yó kem tólóng tau menwu lem blóng ye, yakà tehe ye tólóng tau menwu bè Idyip se kuy.

Hlolò 19:18

Bê ye bneles yóm tau mò sidek bélê ye duhen ke henlós ye kmutó du nawa. Yó dé nmò ye, kenbong nawa ye kem dumu ye lómón kbong nawa ye yóm kuy knô. Ou se yóm hol gónó mogot.

Matyu 5:43

“Ne sotun,” mon Jisas, “deng hónô gungol ye yóm sotu hlau gnan, yóm monen, ‘Kenbong nawahem yó kem dumuhem ne fen knutó nawahem yó kem hmohon kóm.’

Kem Lingón 146:9

Bud nofinen lu snéen yó kem tólóng tau menwu lem blóng tekuy. Tendo tnóbóngen yó kem libun bolu ne yó kem ngà hikit. Okóm yó kem tau gel mò sidek, fen hensideken kógów klowil le.

Hlolò 19:3

Yóm ket sotu bélê ye, hol nadaten maen ne yéen ne hol loloen yóm hlolò bè Kdaw Kehegnô lómón yóm deng hlolou kuy. Ou se yóm sana kuy Dwata hol gónó mogot.

Rut 2:10

Tódô mtud bukol bè soluhen Rut, yóm uyóhen botong gefet bè tonok ne monen mò ke Buas, “Kiholem hemdem do ne yóm tey kehyu nawam ebéléu, igou tólóng libun?”