Hlolò 19:32 - Udél Dwata: Gna Kesfasad ne Lomi Kesfasad

³² Hol nadat ye yó kem tuha bélê ye. Hol nimón ye o mlan bè yóm klikò ye dou. Ou se yóm hol gónó mogot.

Hlolò 19:32 Referans Kwoze

1 Timuti 5:1

Ke wen tonem gónón teklé yóm logi deng tmuha sentahem, béem kento mólów du. Henyuhem hmau du, lómón kadatem du ke mudéli ebè maem. Dalang se ebè yó kem logi lomi lemnok, lómón kmoem kul, lómón ke hol twolihem.

Kem Udél Hlalak Tehe Selumun 16:31

Tey megdóyón yóm tau ke gutahen kubónen lemwót bè ktedeng kmoen.

Kem Udél Hlalak Tehe Selumun 20:29

Yóm gónó le megsalù yó kem lomi lemnok duhen yóm kul kgis ne yóm gónó le megdóyón yó kem logi deng tuha duhen yóm kubón le.

Job 32:6

“Twolihe bélê ye se do ne tóe likò tmulón du kuy yóm dou nô lem hendem, yakà twogu ye sentahu.

Job 32:4

Lemwót bè yóm ketwoli Ilihu, yó gónón tódô hmungol se kun efet gotu deng kudél yóm tlu kem wè Job.

1 Pitér 2:17

Hol nadat ye kdéen tau. Hol kenbong ye nawa yó kem dumu ye deng hemtahu. Hol knikò ye Dwata. Hol nadat ye yóm tau hol geta bélê ye.

Sulat Pol Ebè Yó Kem Tau Hemtahu Bè Rom 13:7

Yóm kdê bnayad tekuy bè gubérnó, gotu bnayad tekuy lu. Ne hol nadat tekuy lu snéen yó kem tau mogot benwu.

Hlolò 19:14

Bê ye abay hentolo yóm tau bokong ne béen abay wen sù ye bè lan yóm tau butô ke mò gónón tlokob. Hol knikò ye o. Ou se yóm sana kuy Dwata hol gónó mogot.

1 Bok Kem Tau Hol Geta 2:19

Tahu se, mógów ebè Selumun Batsiba bè yóm tau hol geta nan e tulón du yóm nóyô Adunadya. Bè yóm kton tau hol geta ke yéen, tódô hebkó mdà bè yóm gónón myón kmamal anì senlongen, ominen hegdufok ebè seel bè soluhen botong kadaten du. Ominen bud semfulék ebè yóm gónón myón kmamal, ne hwa sotu bangkù, ne hyónen yéen bè yó bè kwananen.

Tekang Kbuten 31:35

Ne yó mon Rakél mò ke maen, “Ó Mà, hol béem abay lenbut ou, là gbeku du mdà bè soluhem abay se tolo wen hen-gifatu.” Yó gónóm mon, là kô dog ton Laban du yó kem dwata lennged hnebelen.

Kem Udél Hlalak Tehe Selumun 23:22

Hnungolem udél maem yóm mngà kóm ne ke deng tuha yéem béem nit gnê.

Tekang Kbuten 48:12

Omin Jusif ma yó kem ngaen nô klohok bukol témê le ne tódô hegdufok ebè tonok bè solu maen.