Hlolò 19:31 - Udél Dwata: Gna Kesfasad ne Lomi Kesfasad

³¹ Bê ye abay hmungol hlau bè yó kem tau gel tmaba bè lemogol. Ke nmò ye yóm yó, là buden mólós ktonu kuy. Ou se yóm sana kuy Dwata hol gónó mogot.

Hlolò 19:31 Referans Kwoze

Isaya 8:19

Okóm angat mon yó kem dumu tau mò kuy, yake smólók ye bè yó kem tau mton bù ne bè yó kem tau demwata, yó kem gel mnuhul ne mengeg. Yó gónó le mon du yóm yó abay se hyu kun ke gel tekuy smólók bè yó kem tau deng matay mò tmóbóng yó kem tau tolo mowil.

2 Tutul Israél 33:6

Nim Manasi ni, balù ngaen botong gbeken hkekeb du bè Datal Hinom mò dsuen. Deng mom dmalang gel hmayam, ne hemgawang ne tmaba ebè tulus seitan ne ebè mton bù ne gbeken tódô temsob moluy. Yóm kdê nmoen yó, tey sidek kehebuten ke Dwata.

1 Tutul Israél 10:13

Duhen yó, matay Sol lanen là mimón ke Dwata. Là kô nimónen du yóm hlau Dwata du, lelen mom mógów ebè yóm libun mton bù, snólóken béléen ke tedu tô nmoen,

Deng Hegfan 21:8

Okóm yó kem tau likò lemolò do, ne yó kem tau là hemtahu le béléu, yó kem tau ssamuk honon lu, ne yó kem tau monok, ne yó kem tau mò samuk, ne yó kem tau smalig bè imò, ne yó kem tau hemtahu bè dwata kéng, ne kdéen tau mò kéng, angat le gógów elem lanaw ofi yóm kdê le, yóm ofi wen kbudahen tendo seflós dmilóf. Yóm lanaw ofi yó, yó se yóm mon le gewuhen dulék matay tau.”

1 Samwél 28:3

Deng matay ne Samwél. Bè yóm katayen tódô kdê yó kem tau Israél gotu lemangag du ne lebeng le bè yóm kun benwu bè Rama. Ne yó nmò Sol, gotu hdóhen yóm kdê yó kem tau demwata ne kem tau mton bù bè yó bè Israél.

Glasya 5:20

Ne lel le hemtahu bè dwata kéng, ne tey ksalig le bè imò le. Sónmò le sfohon ne sfatay. Gel le sélés nawa ne sefebut, ne tey dê sen-galu nawa le. Tey alì mahil mesgólól kehedem le.

2 Bok Kem Tau Hol Geta 17:17

Deng mom dsù le ta ofi yó kem ngà udì le logi duhen libun, ne mógów le ebè yó kem tau hemgawang ne ebè yó kem tau demwata, deng tódô bayà le knô le mò du yóm sidek, yóm gónón alì lembut kul Dwata.

Kul Nmò 8:11

Tey legen ne gel kmò Simun du lem blóng le yóm gel hentaw le lemwót bè yóm lamaten, yó gónón tey dê tau lemolò du.

Hlolò 19:26

Hol bê ye abay ken yóm utón tolo nô du litóen. Hol bê ye abay nmò yóm kul gel nmò yó kem tau wen lamaten ne yó kem tau mton bù.

2 Bok Kem Tau Hol Geta 23:24

Yó bud nmò Jusaya bè Jirusalim ne bè klamang Juda, gotu kóhen yóm kdéen tau mton bù, kem tau demwata, ne yó kem dwata lennged gel sù le lem gónô le ne yó kem dumu dwata lennged gónó le tmaba, gotu kóhen lu. Yó gónóhen mò du nim ni lanen mimón yóm hlau deng snulat lem yóm bok ton Hilkaya yóm tau blóng ebè Dwata lem Gónô Dwata.

Hlolò 19:3

Yóm ket sotu bélê ye, hol nadaten maen ne yéen ne hol loloen yóm hlolò bè Kdaw Kehegnô lómón yóm deng hlolou kuy. Ou se yóm sana kuy Dwata hol gónó mogot.