Hlolò 19:30 - Udél Dwata: Gna Kesfasad ne Lomi Kesfasad

³⁰ Hol lolò ye yóm hlolou kuy bè Kdaw Kehegnô ne hol nadat ye yóm gónô gónó ye gel tmaba ebéléu. Ou se yóm hol gónó mogot.

Hlolò 19:30 Referans Kwoze

Hlolò 19:3

Yóm ket sotu bélê ye, hol nadaten maen ne yéen ne hol loloen yóm hlolò bè Kdaw Kehegnô lómón yóm deng hlolou kuy. Ou se yóm sana kuy Dwata hol gónó mogot.

2 Kurin 6:16

Ne sotuhen, laen kô dù gónó le segmung yóm kun gónô Dwata ne yó kem dwata kéng. Kaem tekuy se yóm kun gónô gónóhen nô yóm Dwata laen dù tul katayen. Hol lómón yóm tehe mon Dwata ekni, yóm monen, “Angate tendo nô bélê le yó kem dou tau, ne hol lem blóng le gónóhu nô. Ne ou se baling hol kul Dwata, ne lu se baling hol dou tau.”

Matyu 21:13

Mon Jisas mò kul, “Igò Dwata deng mon du bè Sulaten, ‘Yó muhen yóm dou Gónô mò gónó le gel mni ebéléu yó kem tau.’ Okóm,” mon Jisas, “deng mom henbaling ye gónó le nô yó kem tau gel mnagaw.”

Kem Lingón 89:7

Balù yó kem deng genlalem bè yó, gotu wen klikò le kóm. Tey kadat le kóm yóm kdê le.

Hlolò 16:2

“Hol tulónem ke Aron yóm twoguhem, béen tódô óyô husek elem yóm Dfél hol gónóhu nô sentu yóm nes seng ye. Abay se bè yó lemen fita yóm sefeng yóm Slungan Fasad gónóhu hegfan mung bè lobun. Ke là nimónen du yóm monu ni, angat hatay tafaku du.

Kehewà 20:8

Hol hetfing ye yóm Kdaw Kehegnô ne hol béen abay wen nulé ye bè yó kem hlolou kuy bè yóm kdaw yó.

1 Pitér 4:17

Deng hto ne yóm buteng Dwata kmukum tau, ne fen hegnahen yó kem tau nogoten. Ke nbuten bélê tekuy, mò kmoen se bè yó kem tau là mimón du yóm Tulón Hyu lemwót gu bè Dwata?

2 Tutul Israél 36:14

Lelen yó he, lemwót yó kem geta bè yó kem gel blóng ebè Dwata dalang se yó kem tau, là kô le bud hteneb lemolò ke Dwata yóm kdê le. Deng mom lolò le yó kem sidek alì kenbê gel nmò yó kem tau hmilol kul bè yóm klolò le yóm kul dwata. Bè yóm kmò le du yóm yó, deng mom nmò le yóm là mólósen lem yóm Gónô Dwata bè Jirusalim yóm Gónô deng tehe hfólós Dwata mò kun.

2 Tutul Israél 33:7

Nim Manasi ni, balù yóm dwata lennged tehe nmoen, deng mom suen lem Gónô Dwata, bè yóm Gónô tehe mon Dwata mò ke Dabid ne yóm ngaen Selumun, “Nim Gónóu ni, ne nim syudad Jirusalim ni, deng néléku bè kdéen ból Israél mò mit yóm dou boluy kól bè laen kô dù tul sónen.

Hlolò 10:3

Omin Musis mon du mò ke Aron, “Nim hegfà Dwata kul ni, ni se gónón e gbak yóm tehe udélen, yóm monen, ‘Angat hegfanu bè yó kem tau blóng ebéléu yóm tey klaen dù belenu. Ne angat wen klikò le do yó kem tau Israél.’ ” Okóm tódô neb Aron.