Hlolò 19:26 - Udél Dwata: Gna Kesfasad ne Lomi Kesfasad

²⁶ Hol bê ye abay ken yóm utón tolo nô du litóen. Hol bê ye abay nmò yóm kul gel nmò yó kem tau wen lamaten ne yó kem tau mton bù.

Hlolò 19:26 Referans Kwoze

2 Bok Kem Tau Hol Geta 17:17

Deng mom dsù le ta ofi yó kem ngà udì le logi duhen libun, ne mógów le ebè yó kem tau hemgawang ne ebè yó kem tau demwata, deng tódô bayà le knô le mò du yóm sidek, yóm gónón alì lembut kul Dwata.

2 Tutul Israél 33:6

Nim Manasi ni, balù ngaen botong gbeken hkekeb du bè Datal Hinom mò dsuen. Deng mom dmalang gel hmayam, ne hemgawang ne tmaba ebè tulus seitan ne ebè mton bù ne gbeken tódô temsob moluy. Yóm kdê nmoen yó, tey sidek kehebuten ke Dwata.

Dwata 12:23

Són là ken ye du són yóm litóen, abay se bè litóen gónóhen nô klowilen ne hol bê ye abay ken yóm utón ke tolo nô du klowilen.

Jirimaya 10:2

yó monen, “Hol bê ye abay lolò yóm kul kmò yó kem tau bè dumu benwu. Bê ye abay likò lemwót bè yó kem ilô ton le bè longit, balù yóm alì klikò le kul yó kem tau bè dumu benwu.

Malakay 3:5

Yó udél yóm Dwata laen dù là gbeken du, monen, “Angate sut elem blóng ye naw e knukum yu. Ne henmung tenksiu yó kem tau demwata ne yó kem tau mdà yehen ne yó kem tau tmifù kéng ne yó kem tau là tedeng ksukéy le yó kem tau mò nmò bélê le, ne yó kem tau hen-gnok le yó kem libun bolu ne yó kem ngà hikit ne yó kem tólóng tau menwu lem blóng ye. Tenksiu yó kem tau mò du yóm yó abay se hono tau laen dù klikò le dou,” udél yóm Dwata laen dù là gbeken du.

Danyél 2:10

Yó balà le yóm tau hol geta yó kem tau hemgawang yó koni, mon le, “Laen kô dù tau bè klamangen benwu ke gbeken tódô tmulón kóm yóm deng knahem. Ne laen se kô dù tau hol geta balù nô kegetahen ne nô kfasangen ke lómón yó snólókem bè yó kem tau demwata ne bè yó kem tau mton bù ne bè yó kem tau hemgawang.

1 Samwél 15:23

Yóm smonol ke Dwata hol lómón ksideken yóm gel nmò yóm tau mton bù. Ne yóm keheklabak hol lómón ksideken yóm tau tmaba ebè dwata kéng. Duhen yó, lemwót bè yóm deng kekbéem yóm hmò Dwata kóm, gónó Dwata kembê kóm mò tau hol geta.”

Kehewà 8:7

Ne lemwót yó kem tau gel demwata, gotu bud nmò le se kul yóm yó ne tódô hesut ete kembu yó kem tey fak.

Kehewà 7:11

Okóm yó nmò Faro, htabahen yó kem tau hulung hmau bélê le ne yó kem tau demwata ne bud nmò le se kul yóm nmò Aron yó.

Kul Nmò 15:20

Olo tekuy tódô smulat ebélê le ne. Tulón tekuy kul hyu ke hol bê le abay ken yóm deng dsù ebè dwata kéng, yóm là mólósen bè hlau tekuy. Hol bê le abay mò samuk. Hol bê le abay ken yóm utón là deng kó le du litóen, dalang se yóm litô, hol bê le abay ken.

Tekang Kbuten 9:4

Són olo là hkenu du kuy, són yóm utón tolo nô lem lówóhen litóen abay se bè yóm litóen gónón nô lowilen.

Tekang Kbuten 44:5

Moen ke hennagaw ye yóm tegayan blówón bukayen? Igoen són yó gónón gel minum ne yó se yóm tegayan mtulusen. Deng tey gulé ksideken yóm salà nmò ye.’ ”

Hlolò 19:25

Okóm bè yóm glimuhen halay, hyu ne kken ye kul yó kem bungu koyu ye. Ke hol lolò ye yó kem monu yó angat tey kbungu le yó kem koyu ye. Ou se yóm sana kuy Dwata hol gónó mogot.

Dwata 12:16

Són yóm litô le, hol bê ye abay ken. Tódô kok ye ete tonok lómón kkok ye él.

1 Samwél 14:32

Unin kifu, tódô sotu kun heslò ma yóm deng negef le bè yó kem hohon le, ma le ubiha ne ngà safì, omin le tódô kendel métê du ne ken le igoen tolo wen litóen.

1 Samwél 14:33

Ominen wen tau tmulón du ke Sol, monen, “Ngem, deng le bud gemsalà bè Dwata yó kem tau lan le mken yóm utón tolo nô du litóen.” Mon Sol se, “Tey salà bong yóm yó. Mebel ye botu bong hluy ye edini.”