Hlolò 19:19 - Udél Dwata: Gna Kesfasad ne Lomi Kesfasad

¹⁹ Hol nimón ye yó kem dou hlau kuy. Bê ye abay senfebô lu yó kem ógóf stólóng kay le. Bê ye sensotu gónó ye mulu du bè tonok ye yóm stólóng kay lem hulu. Bê ye abay lesek yóm nes là senged kay holuhen.

Hlolò 19:19 Referans Kwoze

2 Samwél 13:29

Tahu se, nmò yó kem tóbóng lówó Absalum bè Amnon yóm deng hlolò Absalum kul. Lemwót yó kem dumu ngà Dabid logi, gotu le hotun eta kudà asnu le, omin le lemwót mlóy.

2 Samwél 18:9

Bè yóm kesfatay le yó, smakay kudà asnu Absalum, ne tódô glebeten yó kem tau Dabid, ne mlóy smakay kudà asnu mlan laan yóm koyu mfól hangahen boluyen ok, ne gsangà kuluhen bè yóm tey hanga yóm koyu yó. Tódô hlós mlóy yóm kudaen, fen gsangà bè yó ke Absalum.

1 Bok Kem Tau Hol Geta 1:33

yó mon yóm tau hol geta mò kul, “Nwit ye Selumun ne yó kem genlalu etu bè Sfut Él Gihon. Hol hsakay ye ke Selumun yóm dou kudà asnu.

Sulat Pol Ebè Yó Kem Tau Hemtahu Bè Rom 11:6

Tódô lemwót bè kun nawa Dwata gónón mélék kul, là kóen lemwót bè yóm kul gel nmò. Ke yó gónó Dwata mélék kul lemwót bè yóm gel nmò le, là kô gbek tekuy moluy du tóbóng yóm nmò Dwata yó.

Tekang Kbuten 36:24

Mngà logi ke Sibyun, duhen Aya ne Ana. Ni se yóm Ana tehe mton simen kinì bè yóm benwu laen hol wen tauhen yóm igoen hótób yó kem asnu maen.

Hlolò 19:37

Hol gotu nimón ye yóm kdê hlauhu kuy ne yóm kdê hlolou kuy. Ou se yóm hol gónó mogot.” Là gomongen bè nili yóm tsaptér 20 kól bè tsaptér 22. Tulónen yóm kmò ktafak Dwata yó kem tau là mimón du yó kem hloloen kul. Tulónen snéen yóm hlolò Dwata yó kem tau blóng ebéléen anì mólós ktonen kul. Bud tulónen snéen yóm hlolò Dwata kul gbak bè yó kem gel kedsù le ebéléen.

Dwata 4:1

Yó udél Musis ebè yó kem tau Israél, monen, “Hol nimón ye yó kem hlau Dwata toloku kuy ni anì mowil ye ne anì menwu ye ta yóm tonok deng blay Dwata kuy, yóm sana kul Dwata hol gónó mogot yó kem tehe fù ye.

Dwata 4:5

Deng gotu toloku yóm kdê hlau Dwata kuy, lómón yóm deng monen mò dou yóm sana Dwata hol gónóhu mogot. Hol nimón ye ke deng ye kól ta yóm tonok móyón hfun Dwata kuy.

Kun Snulat Luk 5:36

Ne wen bud tulón Jisas kul bè yóm là kehyu sembool du yóm kun tolok bè yóm tolok gna, bede bud hningónen, monen, “Laen kô dù tau se ke namà kenséen yóm nes lomi mò klefengen bè yóm nes bolok. Ke yó tô nmoen, ten-geeden mamà yóm nes lomi, blaem là kóen seklóón ebè yóm nes bolok.