Hlolò 19:17 - Udél Dwata: Gna Kesfasad ne Lomi Kesfasad

¹⁷ Bê ye senmò knutó nawa kem dumu ye. Ke uu yóm sotu tau knutó nawahen gu lem kem dumun, yó nmoem miti sefyu béléen bè yóm gónó ye seglius anì là gemsalai bè Dwata lemwót béléen.

Hlolò 19:17 Referans Kwoze

1 Jan 2:9

Ke wen tau mon du, “Denge nô lem gónóhen lemayag dou,” okóm ke tolo gel knutó nawahen yóm dumuhen hemtahu, tolo nô lem gónón kmifu he yóm tau yó.

Kun Snulat Luk 17:3

Duhen yó,” monen, “eles hol ten-gama ye se yóm kuy kmò. Ke wen salà nmoen bélê ye yóm sotu dumu ye,” monen, “bnólów ye. Sok hegsel, hol hnifót ye.

1 Jan 2:11

Okóm ke gel knutóhen nawa kem dumuhen, tolo nô lem gónón kmifu he. Yóm tau ke mógów lem kifu, laen bang tngónen lan loloen, abay se kifu mit du là mton.

Glasya 6:1

Ó kem dumuhu setwoli, ke wen ton ye sotu bè yó kem kuy dumu hemtahu wen gónón btang bè kloloen ke Dwata, hol hen-ganag ye nawa ye tmóbóng du, yu kem tau gulit kloloen du yóm Tulus Dwata, anì mulék hyu se kun. Okóm eles ten-gama ye, kô wen gónó ye gsindil se kuy.

Ifisus 5:11

Bê ye abay genbóy kul kmò yó kem tau tolo nô bè gónón kmifu, yakem wen se gónón e kól yóm nmò le yó. Hyu dé ke nwit tekuy lu elem yóm gónón lemayag.

Sulat Pol Ebè Yó Kem Tau Hemtahu Bè Rom 1:32

Deng hónô tngón le yóm monen bè hlau Dwata ke wen tau mò du yó kem sidek yó, sal gel tódô hnatay. Okóm là kô dog hdon le du. Tódô henlel le mò du, lel le semgduf kem dumu le mò du.

Kem Udél Hlalak Tehe Selumun 9:8

Béem dog bnólów ne yóm tau sedekà, déke mom knutó nawahen uu. Ke bnólówem yóm tau hulung hedem mom kenbong nawan uu.

Taytus 2:15

Hol tolokem kul ni kem ni. Hol gendufem lu mimón, ne bnólówem lu ke wen gónó le teklé, yakà wen kóm kwalis mò du. Ne béem nmò yóm gónó le kemfê kóm.

Taytus 1:13

Ni se gónóm hol mólów kul anì là wen tlek belenen yóm kehtahu le,

2 Timuti 4:2

Hol béem tenflok tmulón du yóm Udél Dwata. Tnanahem hból du nim kmoen ni, kihu ke hnungol le duhen ke là. Hol heglilebem kul yóm là tedengen. Bnólówem ke wen gónó le tlas, ne hol gendufem lu bè kehtahu le. Hol hanayem nawahem tmolok kul.

1 Timuti 5:22

Béem lenangaf mélék tau mò malak bè simbahan. Déke wen gónón teklé, gomongi myak béléen. Hol nmoem yóm nmò laen dù belenen.

1 Timuti 5:20

Olo kóm ke tahu wen se gónón teklé yóm tau yó, tódô benkas bnólówem lem blóng yó kem dumuhen hemtahu anì eles wen klikò yó kem dumun hemtahu.

1 Kurin 5:2

Moen de ke deng ye mom hegmón? Mò ye là kemblat du nawa du yóm salà yó? Hol bê ye abay bud hmung bè yóm gel kestifun ye yóm tau mò du yóm yó.

Kem Lingón 141:5

Mom hyu he ke yó dmofì do yóm tau tedeng kmoen. Wen gónón hyu béléu se yó. Ke wen bnólów le béléu, hol lómón ke henged bulung bè lówóhu. Hol tnóbóngem o anì là gekbéu du. Okóm sónmou gel mni du bè Dwata anì hensengen yóm sidek gel nmò le, ne anì hensengen se yó kem tau mò du.

Tekang Kbuten 27:41

Ya tey kutó nawa Iso ke Jakub lemwót bè yóm deng kolu mà le du. Yó hendemen, “Móyónen matay ne yóm mà. Ne ke deng matay, hnatayu Jakub.”

2 Samwél 13:22

Laen dù udél Absalum ebè Amnon bè yóm nmoen yó, abay se tey sidek kutó nawahen du bè yóm deng nmoen bè libunen.