Hlolò 19:15 - Udél Dwata: Gna Kesfasad ne Lomi Kesfasad

¹⁵ Ke wen knukum ye, hol nfi ye yóm tahu ne yóm tedeng. Bê ye nfi yóm tau élél ke là tahuhen yóm ndaen. Ne bê ye abay nfi se yóm tau wen boluyen ke là tahuhen se yóm kun ndà.

Hlolò 19:15 Referans Kwoze

Kem Udél Hlalak Tehe Selumun 24:23

Yó kem tau hulung hedem mon du ni kem ni: Là kóen hyu yóm tau kmukum ke mtukul nfihen.

Dwata 27:19

‘Hol tnafak Dwata yóm tau ke nongoen yó kem tau milo elem blóng le, ne yó kem ngà hikit, ne yó kem libun bolu.’ Ne kdéen tau gotu hem-el du, mon le, ‘Tahu yó.’

Hlolò 19:35

Bê ye abay leningko kem dumu ye ke wen hbalù ye. Bê ye abay kmulang ke wen bentes ye dun ke wen tnimbang ye dun ke wen gnantang ye.

Kem Udél Hlalak Tehe Selumun 18:5

Yóm tau gel mò sidek là kóen hyu mfi du duhen ke bnekel yóm ktedengen ebè yóm tau laen dù salaen.

Kem Lingón 82:2

Yó udélen ebélê le, monen, “Kmò kegenen de yóm là ktedeng kukum ye. Kmò kegenen de yóm tendo kfi ye yó kem tau gel mò sidek?

Kehewà 18:21

Okóm ni mò tnuen, yake wen tau hulung malak nélékem mò malak yó kem tau. Wen se nélékem mò malak bè lemibu tau ne wen se malak bè lematu tau ne wen se malak bè limu folò tau ne wen se bè sfolò tau. Yó nélékem yó kem tau wen hol klikò le ke Dwata, kem tau hol gsalig ne kem tau là kóen ma filak mò wa nawa.

Kun Snulat Jan 7:24

Bê ye tódô kendel hendeng kun kmò yóm sotu tau ke là deng hol hennagì ye du. Na ye hol hnénég dé yóm kmoen anì tedeng kmò kehedem ye du.”

Kul Nmò 23:3

Ne yó se kun balà du Pol, monen, “Kaem Dwata he tmufê kóm, tau gel hemtedeng knô. Yó tô nmoem bè yóm kyónem yó, knukumem ou hlanem bè yóm hlau tekuy. Igoem se deng mom mulé du se kóm yóm hlau bè yóm lanem htufê dou.”

Dwata 10:17

Abay se yóm sana kuy Dwata hol gónó mogot, du se hol Dwata dandónen geta bè kdéen dwata ne hol dandónen mfasang bè kdéen mfasang. Laen kô dù là gbeken du, du se hol knóón bang nimón. Laen dù mtukul nfihen ne là kóen ma mò wa nawahen.

Job 32:21

Laen dù nfihu bè nim keskuya ye ni ne laen se dù saluu.

Kem Udél Hlalak Tehe Selumun 31:9

Uu fen mdà du yóm kukum tedeng. Hol nmoem yóm tedeng bè yó kem tau élél ne bè yó kem tau laen dù gmò le.” Ni se koni yó kem udél tolok yéen ke Lemwél.