Hlolò 19:14 - Udél Dwata: Gna Kesfasad ne Lomi Kesfasad

¹⁴ Bê ye abay hentolo yóm tau bokong ne béen abay wen sù ye bè lan yóm tau butô ke mò gónón tlokob. Hol knikò ye o. Ou se yóm sana kuy Dwata hol gónó mogot.

Hlolò 19:14 Referans Kwoze

Dwata 27:18

‘Hol tnafak Dwata yóm tau sekban kalaken yóm tau butô.’ Ne kdéen tau gotu hem-el du, mon le, ‘Tahu yó.’

Hlolò 19:32

Hol nadat ye yó kem tuha bélê ye. Hol nimón ye o mlan bè yóm klikò ye dou. Ou se yóm hol gónó mogot.

1 Pitér 2:17

Hol nadat ye kdéen tau. Hol kenbong ye nawa yó kem dumu ye deng hemtahu. Hol knikò ye Dwata. Hol nadat ye yóm tau hol geta bélê ye.

Sulat Pol Ebè Yó Kem Tau Hemtahu Bè Rom 14:13

Duhen yó, hol bê tekuy abay bud gel setdok. Yó dé hol sen-galu tekuy ke laen dù nmò tekuy mò gónó le tlokob yó kem dumu tekuy hemtahu.

Deng Hegfan 2:14

Bede wen se kenbéu bélê ye. Yó kenbéu, deng mom wen bélê ye gemolò du yóm kéng tehe kun tolok Balaam. Nim Balaam ni, tehe wen hlauhen yóm sotu tau hol geta ekni boluyen Balak. Yó hlauhen du, duhen yóm kgoyen yó kem tau Israél anì ken le yóm ken deng dsù le ebè yó kem dwata kéng, ne mung du yóm kmò le samuk.

1 Pitér 1:17

Bè yóm gel kni ye bè Dwata, gel taba ye du Mà. Ne tahu se yó, Mà ye yóm Dwata. Okóm angat knukumen yóm nmò tau, yóm ket kuy na sotu, ke hyu duhen ke sidek. Ne laen kô dù tau knihuhen. Duhen yó, bè yóm klawi ye mowil te tonok, yake hol knikò ye Dwata.

Sulat Pol Ebè Yó Kem Tau Hemtahu Bè Rom 12:14

Ke wen kem tau hmayam kuy, bê ye abay hni bè Dwata anì tnafaken lu. Okóm hol hni ye anì tnóbóng Dwata lu se kul.

Tekang Kbuten 42:18

Bè yóm getluhen kdaw, yó mon Jusif mò kul, “Mlan bè yóm klikou ke Dwata, hlowilu yu syan ke hol nmò ye yóm hmou kuy.

1 Kurin 10:32

Hol bê tekuy abay nmò gónó le gseng ebè Dwata yó kem dumu tau, kihu ke Ju le duhen ke là Ju le, duhen ke yó kem dumu tekuy hemtahu bè Dwata.

Hlolò 19:15

Ke wen knukum ye, hol nfi ye yóm tahu ne yóm tedeng. Bê ye nfi yóm tau élél ke là tahuhen yóm ndaen. Ne bê ye abay nfi se yóm tau wen boluyen ke là tahuhen se yóm kun ndà.

Kem Lingón 111:10

Yóm klikò le ke Dwata, yó se hol buten yóm khulung le hedem. Yóm kdê tau mimón du, wen ofol le du yóm kimón le yó. Bê tekuy nmò sónen yóm kdóyón tekuy du.