Hlolò 19:13 - Udél Dwata: Gna Kesfasad ne Lomi Kesfasad

¹³ Bê ye abay leningko kem dumu ye ne béen abay wen hennagaw ye bélê le. Bê ye abay nanggà efet kól haya sukéy yóm tau mò nmò bélê ye.

Hlolò 19:13 Referans Kwoze

Sulat Jim 5:4

Ngem yó kem sukéy tehe là hsut ye du bè yó kem tau mò nmò bélê ye, yó se yóm fen kmamo kuy bè Dwata. Hnungol ye dé yóm keslón le kuy yó kem tau mò nmò bélê ye. Deng gefet bè Dwata, yóm gónó mogot hol mfasang bè kdéen yóm ktaba le ebéléen.

Malakay 3:5

Yó udél yóm Dwata laen dù là gbeken du, monen, “Angate sut elem blóng ye naw e knukum yu. Ne henmung tenksiu yó kem tau demwata ne yó kem tau mdà yehen ne yó kem tau tmifù kéng ne yó kem tau là tedeng ksukéy le yó kem tau mò nmò bélê le, ne yó kem tau hen-gnok le yó kem libun bolu ne yó kem ngà hikit ne yó kem tólóng tau menwu lem blóng ye. Tenksiu yó kem tau mò du yóm yó abay se hono tau laen dù klikò le dou,” udél yóm Dwata laen dù là gbeken du.

Jirimaya 22:13

Yó udél Dwata, monen, “Megtafak kun ke Jihuyakim. Hdaen yóm kun gónô bong mlan bè alì kdanda kdóken yó kem tau. Balù udì se ke snukéyen lu. Balù yóm tey ktilob yó kem dfél hmoen, okóm sal lemwót bè là ktedengen lanen gmaga mdók yó kem tau hmoen du.

Kem Udél Hlalak Tehe Selumun 20:10

Tey kenlit Dwata yóm kihu nmò lemingko ne yó kem btes là tódóen.

Mark 10:19

Deng tngónem se yó kem hlau Dwata, yóm monen, ‘Béi monok. Béi mdà yehen. Béi mnagaw. Béi tmifù kéng. Béi lemugi. Nadatem maem ne yéem.’ ”

Jirimaya 22:3

Ni se udél Dwata ebélê ye, monen, hol bê ye abay kmihu, nmò ye yóm tedeng. Tnóbóng ye yó kem tau deng wen hennagaw le bélê le. Lenwà ye yó kem tau hen-gnok lem hólól yó kem tau hemgnok kul. Tenflok ye ne yóm kmò ye sidek. Bê ye abay hensidek yó kem tólóng tau nô lem blóng ye kkólen bè yó kem ngà hikit ne yó kem libun bolu. Bê ye abay hnatay yó kem tau laen dù salà le.

1 Tisalunika 4:6

Kóyô Dwata ke là nulé ye du ni kem monu ni koni, anì laen dù gónó ye sgulé bè kem dumu ye. Deng tehe tulón me kuy se nim ni, ne deng tehe eles hetgama me kuy yóm ktafak yóm gónó tekuy mogot yó kem tau mò du.

Kun Snulat Luk 3:13

Ne yó balà Jan kul, monen, “Bê ye abay gel nmò uléhen yóm gel ntuk ye.”

Kem Udél Hlalak Tehe Selumun 22:22

Béem nongò yóm tau élél baluen ke gbekem mò du duhen ke nitem skukum igoen élél.

Job 31:39

duhen ke deng kenu yóm hulu tmowok tahen ne là benlihu du ne ke deng hnatayu yó kem tau mfun du,

Matyu 20:8

Timbow deng seklewet bè yó, ominen mon du mò yóm tau snaligen, ‘Tnabahem ne yó kem tau mò nmò, ne snukéyem lu. Gna snukéyem yó kem tau huli sut, ngangen efet kól bè yó kem tau tanay sut.’

1 Timuti 5:18

Yakà deng monen du bè Sulat Dwata, yó monen, “Bê ye benkes bungusen yóm safì dmadu.” Ne sotuhen, “Knóón bè yóm tau mò nmò ke wen sukéyen.”

Kehewà 20:15

Bê ye abay mnagaw.

Kem Udél Hlalak Tehe Selumun 3:28

Béem song imò tmóbóng du e lem haya yóm dumum ke wen se gónóm heblà ni.

Isikél 18:7

Tau knoduhen kem dumun, là gel heglólóben du sandà yó kem tau élél. Là kóen na a mnagaw bè yó kem tau élél, mom gel benlayen yó kem bitil ne tódô gel benlayen nes yó kem tau élél.