Hlolò 19:11 - Udél Dwata: Gna Kesfasad ne Lomi Kesfasad

¹¹ Bê ye abay mnagaw. Bê ye abay smukat. Ne bê ye abay mò kéng.

Hlolò 19:11 Referans Kwoze

Kehewà 20:15

Bê ye abay mnagaw.

Kulasi 3:9

Bê tekuy abay gel mò kéng, yakà deng kó tekuy tum tehe gna klowil mahil mò sidek.

Ifisus 4:25

Duhen yó, hol bê tekuy abay bud mò kéng sen. Tódô gel tulón tekuy yóm ktahuhen bè kem dumu tekuy hemtahu, abay se deng kuy ssotu bè kun lówó Krays.

Kem Lingón 101:7

Là kóe móyô du ke mò le nmò bè gónóu yó kem tau hulung smukat. Là kóe móyô du ke mdà le bè soluhu yó kem tau mò kéng.

Sulat Pol Ebè Yó Kem Tau Hemtahu Bè Rom 3:4

Baluen he ke kdéen tau lem benwu gotu mò kéng, là kun ke Dwata, hono tahu yóm kun gel mon. Lómón ni se yóm sotu monen bè sulat Dwata, yóm monen, “Bè kudélem, Dwata, hol gónón gfan yóm ktedengem. Baluen ke wen tô duón le kóm, kaem uu matù bélê le.”

Dwata 5:19

Bê ye abay mnagaw.

Deng Hegfan 21:8

Okóm yó kem tau likò lemolò do, ne yó kem tau là hemtahu le béléu, yó kem tau ssamuk honon lu, ne yó kem tau monok, ne yó kem tau mò samuk, ne yó kem tau smalig bè imò, ne yó kem tau hemtahu bè dwata kéng, ne kdéen tau mò kéng, angat le gógów elem lanaw ofi yóm kdê le, yóm ofi wen kbudahen tendo seflós dmilóf. Yóm lanaw ofi yó, yó se yóm mon le gewuhen dulék matay tau.”

1 Timuti 1:10

ne yó kem tau smamuk, yó kem logi sefdóyón honon lu, dalang se kem libun sefdóyón honon lu, yó kem tau kemfô dumuhen tau, yó kem tau mò kéng, ne yó kem tau tmifù kéng, ne yó kem tau mò du yóm dumu nmò là segtónen ebè yóm tahu tolok.

Ifisus 4:28

Yóm tau tehe gel mnagaw, hol tenfloken yóm knagawen yó, béen bud nmò. Tódô hol hteneb mò nmò dé anì wen gónón ma klowilen, ne anì wen lukasen mò blayen bè yó kem tau élél.

Jirimaya 6:13

“Tódô lenwóten bè yó kem tau leneken kkólen bè yó kem tau lebangen, gel snukat le kem dumu le, nwa le yóm là kul du. Balù yó kem dumu tugodu ne yó kem tau blóng ebéléu, bud yó se kul nmò.

Kem Lingón 116:11

ne balù yóm tey sidek klikou, botong gmonu laen kô dù tau snaligu.

Kehewà 20:17

Hol bê ye abay nófô gónô kedumu ye. Bê ye abay nófô yehenen duhen ke kem heseken duhen ke kem safien duhen ke kem kudaen duhen ke yó kem dumu nfunen.” Yó se yóm sfolò hlolò Dwata yó kem tauhen.

1 Bok Kem Tau Hol Geta 13:18

Okóm yó balaen du yóm tugod Dwata deng tuha yó, monen, “Tugode Dwata se do, lómón yóm kóm. Deng wen tulónen do yóm hógów Dwata, monen, ‘Nwitem ebè gónóem yóm tau Dwata anì henkenem ne hinumem él.’ ” Okóm kéng yóm tulónen yó.

Kehewà 20:16

Bê ye abay tnifù kéng kem dumu ye.

Hlolò 19:10

Ne bè yóm gónó ye mulu grép, hol bê ye abay bud semfulék e du ke tô bud nebel ye yó kem grép tehe là ton ye du, duhen ke tô bud nulut ye yó kem grép tehe btang ebè tonok. Tódô tebel ye lu bè yó kem tau élél ne bè yó kem tólóng tau nô lem blóng ye. Ou se yóm sana kuy Dwata hol gónó mogot.

2 Samwél 17:20

Tikóng le gdek bè gónô yóm libun yó, yó kem tau dók Absalum, yó mon le mò du, “Nô se Ahimaas lewu le Junatan du?” Bnalà yóm libun, monen, “Tu deng le mifal él.” Ne hlós hnebel le lu, okóm là kô ton le kul, ne tódô le bud haking semfulék ebè Jirusalim.

Kem Udél Hlalak Tehe Selumun 24:28

Béem lenbù gbót tmifù yóm dumum ne béi se tódô lembù mò tulón etahen.