Hlolò 19:10 - Udél Dwata: Gna Kesfasad ne Lomi Kesfasad

¹⁰ Ne bè yóm gónó ye mulu grép, hol bê ye abay bud semfulék e du ke tô bud nebel ye yó kem grép tehe là ton ye du, duhen ke tô bud nulut ye yó kem grép tehe btang ebè tonok. Tódô tebel ye lu bè yó kem tau élél ne bè yó kem tólóng tau nô lem blóng ye. Ou se yóm sana kuy Dwata hol gónó mogot.

Hlolò 19:10 Referans Kwoze

Ubadaya 1:5

Ke wen tau mnagaw bélê ye kifu, là kô gotu nwa le du kdê kimu ye, olo le ma yóm nóyô le. Dalang se yó kem tau muta bungu grép, sal gel wen tebel le bè yó kem tau élél. Okóm kul yó kem hohon ye, angat tódô gotu himot nwa le yó kem kimu ye, laen kô dù tebel.

Kmukum 8:2

Okóm yó balà Gidyun kul, monen, “Yóm dou gendeng ni, tek udì néen ke heskél te bè yóm deng kuy gendeng. Balù yóm là deng kegen ye mung sgida yu kem semfu gu bè Ifraim, bong he kuy gendeng senta yóm kum gendeng mi kem lemwót bè tbong Abisér.

Hlolò 19:9

Ke deng bang ye muta, bê ye abay nuta yó kem halay nô hilol kilil ne bê ye abay bud senfulék nuta yó kem oyok.

Hlolò 19:11

Bê ye abay mnagaw. Bê ye abay smukat. Ne bê ye abay mò kéng.

Hlolò 23:22

Ke sok bang ye muta, hol bê ye abay nuta yó kem halay nô hilol kilil ne bê ye abay senfulék noyok yó kem dù tebel. Tebel ye lu bè yó kem tau élél ne bè yó kem tólóng tau menwu lem blóng ye. Ou se yóm sana kuy Dwata hol gónó mogot.

Dwata 24:19

“Ke sentifun ye yó kem nuta ye ne ke wen klifót ye du, hol bê ye abay bud na a nangay, mò tódô noyok yó kem tólóng tau menwu lem blóng ye ne yó kem ngà hikit ne yó kem libun bolu. Ke ni se nmò ye, tey któbóng Dwata kuy bè ket nmò ye.

Dwata 24:20

Ke nuta ye bungu yó kem koyu ulib, hol bê ye abay bud senfulék yó kem dù tebel. Yó se mò noyok yó kem tólóng tau menwu lem blóng ye ne yó kem ngà hikit ne yó kem libun bolu.

Rut 2:2

Sotu kdaw, mon Rut mò ke Numi, “Ke yó dum hyu béléem, Wê Libun, lelene tô moyok dé. Wen he yó tau móyô hoyok dou bè dnaduhen.” Mon Numi se mò du, “Duónen se, Yô, ke móyói.”

Hlolò 19:25

Okóm bè yóm glimuhen halay, hyu ne kken ye kul yó kem bungu koyu ye. Ke hol lolò ye yó kem monu yó angat tey kbungu le yó kem koyu ye. Ou se yóm sana kuy Dwata hol gónó mogot.

Dwata 24:21

Ke nuta ye yó kem bungu grép, bê ye abay bud senfulék yó kem dù bunguhen tebel. Yó se mò noyok yó kem tólóng tau menwu lem blóng ye ne yó kem ngà hikit ne yó kem libun bolu.