Hlolò 16:34 - Udél Dwata: Gna Kesfasad ne Lomi Kesfasad

³⁴ Ni kem hlolò Dwata ni, laen kô dù sónen yóm klolò le du. Yó kem tau Israél, là hyuhen ke là gotu lolò le du yó kem hlolò Dwata kul yó mò mkó salà le. Ket halay le mò du bede olon sulék. Tahu se, gotu nmò Musis yóm kdê hmò Dwata du yó. Là gomongen bè nili yóm tsaptér 17 kól bè tsaptér 18. Yó tulónen yóm nmò hol kenbê Dwata bè yó kem tau Israél anì mólós ktonen kul, duhen yóm là kken le litô ne bê le muget.

Hlolò 16:34 Referans Kwoze

Hibru 9:7

Okóm yóm gewu dfélen, tek sotu tau gusek elemen, tek són yóm tau hol geta bè yó kem gel demsù ebè Dwata, bede tek suléken husek elemen bè yóm sfalay. Ne là kóen na a gusek elemen ke là wen litô nwiten mò dsuen ebè Dwata. Yóm dsuen yó, mò lan Dwata hmifót yóm kun salà, dalang se yóm kul salà deng gmò yó kem dumu tau là gehedem le du.

Hibru 9:25

Yóm tau hol geta bè yó kem tau gel demsù ebè Dwata bè yó kem Ju, ket halayen husek elem tum Dfél gónóhen nô Dwata. Sal wen litô ógóf nwiten elemen. Okóm ke Krays kun, là ket kiwólen du mò du yóm kun dsù.

Hibru 10:14

Duhen yó, olo tek suléken demsù, sana gotu hguliten yó kem tau deng hólósen bè yó kem salà le. Bè yóm kehguliten kul yó, laen dù tul sónen.

Hibru 10:3

Okóm là. Bè yóm gel kedsù le ket halay, yó se gónó le hemtulón du nawa yó kem salà le.

Hlolò 23:31

Yóm hlolò ni, hol bud lolò yó kem semfu gu bélê ye balù kihu gónó le nô.

Hlolò 23:28

Hol béen abay wen mò nmò bè yóm kdaw yó abay se yó yóm kdaw klolò ye du yóm hlolò bè kehkó salà.

Hlolò 16:2

“Hol tulónem ke Aron yóm twoguhem, béen tódô óyô husek elem yóm Dfél hol gónóhu nô sentu yóm nes seng ye. Abay se bè yó lemen fita yóm sefeng yóm Slungan Fasad gónóhu hegfan mung bè lobun. Ke là nimónen du yóm monu ni, angat hatay tafaku du.