Hlolò 16:33 - Udél Dwata: Gna Kesfasad ne Lomi Kesfasad

³³ ne tódô nuliten yó kem hlolò Dwata bè khólós yóm Dfél hol gónón nô, dalang se bè klamang yóm Gónô Dwata ne bè yóm gónó le gel demsù ebè Dwata. Bud nuliten yóm khólós yó kem dumu tau gel blóng le ebè Dwata ne yóm kdéen tau Israél nô bè kamfù le.

Hlolò 16:33 Referans Kwoze

Hlolò 16:16

Bè nim nmò Aron ni, hólósen yóm Dfél gónó Dwata nô anì là gomongen bè là kólós yó kem tau Israél ne bè yóm là kimón le ke Dwata. Nim nmò Aron ni, bud senged se nmoen bè klamang yóm Gónô Dwata abay se tódô mdà bè gónón sóól yóm kamfù yó kem tau là mólósen.

Hlolò 16:24

Ominen yó dyo ditu lemen ne bud leseken yóm sana kun nes. Ominen yó he hewà nan e dsù yóm ubiha logi mò kun dsù hkekeb ebè Dwata ne yóm sotu ubiha logi mò kul dsù hkekeb ebè Dwata yó kem dumuhen Israél. Bè yóm kmoen du yóm yó gotu kóhen yóm kun salà dalang se kul salà yó kem dumuhen Israél.

Hlolò 16:6

Ne yó gna nmò Aron, nan gna demsù ebè Dwata yóm ngà safì tudu deng eles niten bè yó mò mkó yóm kun salà dalang se kul salà yó kem fes lówóhen.

Hlolò 16:11

Bong yóm ngà safì tudu Aron, nwiten ebè gónón demsù ne bè yó gónón hmatay du mò hkó yóm kun salà dalang se kul salà yó kem fes lówóhen.

Hlolò 23:28

Hol béen abay wen mò nmò bè yóm kdaw yó abay se yó yóm kdaw klolò ye du yóm hlolò bè kehkó salà.