Hlolò 16:31 - Udél Dwata: Gna Kesfasad ne Lomi Kesfasad

³¹ Hol hetfing le yóm kdaw yó mò kdaw le fasting ne mò kdaw le là mò nmò. Yóm hlolò Dwata kul yó, laen kô dù tul sónen yóm klolò le du.

Hlolò 16:31 Referans Kwoze

Hlolò 23:32

Lenwóten bè sdef kdaw bè yóm gesyómen kdaw bè yóm bulón yó efet bud kól bè sdef kdaw bè yóm gesfoloen kdaw, yó se hol Kdaw Kehegnô. Ne béen abay wen tagad mken bè yóm kdaw yó.

Isaya 58:5

Bè yóm kfasting ye, glok ye alì heglayam knô ye. Tey keheglaan ye yóm kkudung ye, omin ye hnal yóm kumù sakù ne tey kohù bulus ye tahen mò gónó ye hlilil. Yó kô yóm mon ye fasting? Kmò kehedem ye du, hyu nawahu du kô yó?

Isaya 58:3

Mom yó udél le yó kem tau yó, mon le, “Moen de ke fasting tekuy ke là se ton Dwata du? Moen de ke là mken tekuy ke là se kenmón Dwata du?” Yó balà Dwata kul, monen, “Bè hol ktahuhen, bè yóm udas ye fasting, kulel kmò ye du yóm gónó ye mebel filak ne wen sidek nmò ye bè yó kem tau mò nmò bélê ye.

Kehewà 31:15

Wen nem kdaw ye bè ket fedyan mò du yóm kuy nmò, okóm yóm ghituhen kdaw hol kdaw ye hegnô abay se yó se yóm dou kdaw. Ke wen tau mò nmò bè yóm kdaw yó, tódô hnatay kmò du.

Isra 8:21

Gu laan me là deng lemwót he, gotu sentifunu lu ditu bè Kanal Ahaba yóm kdéen tau mung do. Yó hmou kul, gotu me fasting yóm kdê me mò gónó me hegfan du yóm keheglaan me bè Dwata. Yó hni me béléen anì du tukô gna kum ne kenlungen mi anì laen dù hemen me bè lan dalang se yó kem ngà me ne yó kem tey nwit me.

Danyél 10:12

Ominen bud mon du mò dou, “Béi abay hlikò, Danyél. Tódô lenwóten bè yóm hol tanay kdaw keheglaanem knóem bè Dwata anì hulungi temnef, deng sana gungolen bè longit ne yóm hnihem. Ni nógówu edini naw e tulón kóm balaen yó kem hnihem yó.