Hlolò 16:29 - Udél Dwata: Gna Kesfasad ne Lomi Kesfasad

²⁹ Bud wen hlolò Dwata kul bè yóm kdaw kkóhen salà le ne laen kô dù sónen yóm klolò le du. Yó hloloen kul, bè yóm gesfoloen kdaw bè ghitun bulón, yó nmò yó kem tau Israél dalang se yó kem tólóng tau menwu lem blóng le, gotu le fasting ne bê le abay mò nmò.

Hlolò 16:29 Referans Kwoze

Isaya 58:3

Mom yó udél le yó kem tau yó, mon le, “Moen de ke fasting tekuy ke là se ton Dwata du? Moen de ke là mken tekuy ke là se kenmón Dwata du?” Yó balà Dwata kul, monen, “Bè hol ktahuhen, bè yóm udas ye fasting, kulel kmò ye du yóm gónó ye mebel filak ne wen sidek nmò ye bè yó kem tau mò nmò bélê ye.

Danyél 10:12

Ominen bud mon du mò dou, “Béi abay hlikò, Danyél. Tódô lenwóten bè yóm hol tanay kdaw keheglaanem knóem bè Dwata anì hulungi temnef, deng sana gungolen bè longit ne yóm hnihem. Ni nógówu edini naw e tulón kóm balaen yó kem hnihem yó.

Isaya 58:5

Bè yóm kfasting ye, glok ye alì heglayam knô ye. Tey keheglaan ye yóm kkudung ye, omin ye hnal yóm kumù sakù ne tey kohù bulus ye tahen mò gónó ye hlilil. Yó kô yóm mon ye fasting? Kmò kehedem ye du, hyu nawahu du kô yó?

Kem Lingón 35:13

Okóm bè yóm tehe kwen des le, tey klóngón nawahu kul. Sbole fasting ne mnihe bélê le bè Dwata, okóm yóm knihu yó, tódô mulék laen dù balaen.

Hlolò 23:36

Lem yóm hitu kdaw yó, ket kdaw ye mit ken mò dsù hkekeb ye ebè Dwata. Ke deng kól bè gwoluhen kdaw, bud ye stifun tmaba ebéléen ne bud ye mit ken mò dsù hkekeb ye ebéléen. Yóm gwoluhen kdaw yó, hol kdaw ye stifun tmaba ebè Dwata ne laen dù tau tagad mò nmò.

Hlolò 23:21

Bè yóm kdaw yó, hol béen wen tagad mò nmò okóm hol ye stifun tmaba ebè Dwata. Yóm hlolò Dwata kuy yó, angat bud lolò yó kem semfu gu bélê ye balù kihu gónó le nô. Ne laen kô dù sónen yóm klolò le du.

Kehewà 20:10

okóm yóm kdaw ghituhen yó se yóm Kdaw Kehegnô hetfing ye ebéléu. Bè yóm kdaw yó, béen abay wen bélê ye mò nmò, balù uu ne yó kem ngaem ne yó kem hesekem ne yó kem ógófem, duhen ke kem tau milo nô bè yóm kuy benwu, hol bê le abay mò nmò.

Hibru 4:10

Ke deng guta tekuy yóm fasaden tekuy yó, là bud nmò tekuy du ne yóm kut nmò, tódô tekuy hegnô, hol lómón se yóm tehe kun kehegnô Dwata ekni.

1 Kurin 11:31

Okóm ke na tekuy na hol henklol yóm kmò tekuy, là kô tnafak Dwata tekuy.

Danyél 10:3

Balù udì ke mkene yó kem ken mnóm, dalang se utón là kóe mutón, laen se dù tifas grép glo bè sumóngu ne laen se dù hboo tilob lunolu bè lówóhu lem yóm tlu fedyan yó.

Isaya 58:13

Yó bud udél Dwata, monen, “Hyu ke hol nadat ye yóm Kdaw Kehegnô ne ke là kulel kebel ye filak bè yóm kdaw yó. Hyu ke hol bong muhen bélê ye yóm dou kdaw yó ne ke là wen gónó ye e solu ne là wen gel nmò ye ne là mon ye du yó kem udél laen dù muhen.

Kem Lingón 69:10

Tey keheglaanu knóu, gloku fasting, deng mom hennê le ou yó kem tau.

Isra 3:1

Bè yóm ghituhen bulón, deng le tódô henek bè benwu le yó kem tau Israél deng mulék. Ominen yó, gotu le stifun bè Jirusalim yóm kdê le.

1 Bok Kem Tau Hol Geta 8:2

Tahu se, gotu le stifun bè yóm tau hol geta bè yóm kdaw Kehligal le bè Slung bè yóm ghituhen bulón, yóm bulón bnoluy le Itanim.

Hlolò 23:3

Yó htulón Dwata ke Musis, monen, “Wen nem kdaw ye mò nmò, okóm hol bê ye abay klifót yóm ghituhen kdaw, yó se yóm kdaw ye hegnô. Bè yóm kdaw yó, béen abay wen bélê ye mò nmò bede hol ye stifun tmaba ebè Dwata. Balù kihu gónó ye nô sana ke Dwata du funen yóm ghituhen kdaw yó ne hol nadat ye.

Kehewà 12:16

Bè yóm tanay kdaw ne bè yóm ghituhen kdaw hol ye stifun tmaba ebéléu. Hol bê ye abay mò nmò bè yó kem kdaw yó, okóm là sideken ke tmógó ye ken.

Kul Nmò 27:9

Lemwót bè yóm tey kganag kógów me yó koni, deng mom gafiten mi yóm alì ksidek kdaw, là buden hyu ke hlós yóm kafal. Ne mon Pol mò kul, monen,

Kehewà 31:14

Hol ye hegnô bè yóm dou kdaw abay se deng hetfingu yóm kdaw yó. Ke wen tau là lemolò du nim monu ni ne deng mom mò nmò bè yóm kdaw yó, tódô hnatay kmò du.

Kehewà 31:15

Wen nem kdaw ye bè ket fedyan mò du yóm kuy nmò, okóm yóm ghituhen kdaw hol kdaw ye hegnô abay se yó se yóm dou kdaw. Ke wen tau mò nmò bè yóm kdaw yó, tódô hnatay kmò du.

1 Samwél 7:6

Tahu se, gotu le stifun bè Mispa. Wen él nwa le bè kokol ne kok le bè yó bè solu Dwata ne gotu le fasting bè yóm kdaw yó, benkas le bè Dwata yóm salà le, mon le, “Deng me gemsalà bè Dwata.” Ne bè yó bè Mispa gónó Samwél gel kmukum yó kem tau Israél.

Isra 8:21

Gu laan me là deng lemwót he, gotu sentifunu lu ditu bè Kanal Ahaba yóm kdéen tau mung do. Yó hmou kul, gotu me fasting yóm kdê me mò gónó me hegfan du yóm keheglaan me bè Dwata. Yó hni me béléen anì du tukô gna kum ne kenlungen mi anì laen dù hemen me bè lan dalang se yó kem ngà me ne yó kem tey nwit me.