Hlolò 16:26 - Udél Dwata: Gna Kesfasad ne Lomi Kesfasad

²⁶ Bong bè yóm tau fen mlo yóm kambing etu ebè yóm benwu laen hol wen tauhen, gu laanen là deng mulék elem kamfù le nan gna nfuk yóm nes leseken, ominen dyo.

Hlolò 16:26 Referans Kwoze

Hibru 7:19

Yó gónó Dwata temles du, abay se yóm hlau Musis yó, là gbeken hgulit tekuy. Bede tey hyu yóm tles Dwata du. Deng wen ne lan nmoen gónó tekuy gehloni ebéléen, duhen yó se hol nefet nawa tekuy ni kmoen ni.

Hlolò 16:10

Bong yóm kambing mowil mò lo le tolok Aron ke Dwata, omin le tódô mlo du etu lem yóm benwu laen hol wen tauhen mò fen mit hlayuk salà yó kem tau.

Hlolò 16:28

Yóm tau fen hkekeb du yó, gu laanen là deng mulék ebè kamfù le nan gna nfuk yóm nes leseken, ominen dyo.

Hlolò 16:8

Ne bè yó gónón mélék du ke kambing du yóm mò ke Dwata ne ke kambing du yóm mò lo le mò mit hlayuk yó kem salà le.Yóm kambing mò ke Dwata, yó kmò Aron du hnatayen ne dsuen ebè Dwata mò hkó salà yó kem tau Israél.

Hlolò 16:25

Lemwót yóm abù yóm safì tudu ne yóm kambing deng dsuen mò hkó salà, gotu hkekeben bè yóm gónó le gel demsù.