Hlolò 16:23 - Udél Dwata: Gna Kesfasad ne Lomi Kesfasad

²³ Ke deng lo yóm tau yó yóm kambing yó, lemwót Aron bud husek elem yóm Gónô Dwata anì nan e nlus ditu lem yóm sotu dfél bè yó, yó kem nes leseken bè yóm khuseken elem yóm Dfél hol gónón nô Dwata ne henyuhen bè yó yóm nes yó.

Hlolò 16:23 Referans Kwoze

Sulat Pol Ebè Yó Kem Tau Hemtahu Bè Rom 8:3

Yóm hlau, là kô gbeken mkó du yóm kfasang yóm salà bè klowil tekuy abay se laen dù tau tódô gembek lemolò du lemwót bè yóm tey klunog tekuy. Okóm wen kun atul Dwata, hógówen yóm Ngaen na a hbaling bè lówó tau, lómón yóm lówó tekuy kem tau gemsalà na a matay mò lanen tmuled yóm salà.

Hlolò 16:4

Yó bud hlolò Dwata ke Aron gu laan Aron là deng husek elem yóm Dfél hol gónón nô Dwata yó, nan gna dyo ne leseken yóm nes gel lesek yóm tau blóng ebè Dwata, yóm nes tahà ne yóm sewel ukol suen lemen ne hyu hmilet ne mulew, bede hono bukay yóm leseken yó.

Hibru 9:28

Senged snéen yóm Krays. Tek suléken matay bè yóm tehe kedsuen klowilen mò hkó salà yó kem tey tau wen. Angat bud semfulék edini, bede là kóen na a bud hkó salà. Okóm yó nógówen, senfuléken yó kem kdéen tau hemtahu deng hemdón mangat du.

Hlolò 16:22

Yóm kambing yó, gotu niten hlayuk etu bè yóm benwu laen hol wen tauhen yóm kdê salà le.