Hlolò 16:22 - Udél Dwata: Gna Kesfasad ne Lomi Kesfasad

²² Yóm kambing yó, gotu niten hlayuk etu bè yóm benwu laen hol wen tauhen yóm kdê salà le.

Hlolò 16:22 Referans Kwoze

1 Pitér 2:24

Bè yóm tehe ktutuk le ke Krays bè yóm kros, deng nwiten ne yó kem salà tekuy, ne deng mom du tnafak bè salà tekuy. Yó gónón mò du yóm yó anì tnagak tekuy yó kem sidek gel nmò tekuy, ne anì hol nô bè nawa tekuy mò du yóm hyu. Du se yóm tehe alì glayam, ne yu se yóm fen hyu bè kililen.

Hibru 9:28

Senged snéen yóm Krays. Tek suléken matay bè yóm tehe kedsuen klowilen mò hkó salà yó kem tey tau wen. Angat bud semfulék edini, bede là kóen na a bud hkó salà. Okóm yó nógówen, senfuléken yó kem kdéen tau hemtahu deng hemdón mangat du.

Kun Snulat Jan 1:29

Timbow hayahen bè yó, ton Jan Jisas mógów ebéléen. Bè yóm ktonen du, monen mò yó kem tau, “Ngem yó dé yóm Ngà Ubiha Dwata mò angat dsù Dwata mò mkó salà kdéen tau.

Glasya 3:13

Okóm laen kô dù tau gembek lemolò du nim ni. Yó gónóm mon, deng tekuy mom megtafak du. Okóm ke Krays, du fen megtafak lanen msok tekuy bè yóm deng kegtafak tekuy yó. Abay se deng monen bè Sulat Dwata, yó monen, “Ke wen tau matay bè kros, yó se ilô yóm ktafak Dwata du.”

Mika 7:19

Angat bud knoduhem mi. Tódô gotu lenuna ndaem yó kem salà me ne botem etu etlaan bè sokol mohin.

Kem Lingón 103:12

Lómón klayuken dmata kdaw kól e desdef, yóm gónó Dwata e mbot yó kem salà tekuy.

Kem Lingón 103:10

Là kô yó du tafak Dwata tekuy yóm tafak hol bang bayad yó kem salà tekuy. Ne là kô balaen du tekuy yóm bang hol balà yó kem sidek gel nmò tekuy.

Isikél 18:22

Tódô kdê yó kem salà deng nmoen, tódô gotu hnifótu béléen ne lemwót bè yóm tedeng tendo nmoen gónón fen mowil.”

Hlolò 16:21

Yó kmoen du, noken te kulu yóm kambing yó yóm lewu hólólen. Bè yóm igoen mnok du, tódô gotu benkasen ebè Dwata kdê sidek deng gel nmò yó kem tau Israél dalang se yóm là gel kimón le ke Dwata. Bè yóm nmò Aron yó, gotu mili ete kulu yóm kambing yó yóm kdê sidek deng benkasen yó koni. Wen tau deng eles nélék le mò fen mlo yóm kambing yó etu bè yóm benwu laen hol wen tauhen.

Hlolò 16:23

Ke deng lo yóm tau yó yóm kambing yó, lemwót Aron bud husek elem yóm Gónô Dwata anì nan e nlus ditu lem yóm sotu dfél bè yó, yó kem nes leseken bè yóm khuseken elem yóm Dfél hol gónón nô Dwata ne henyuhen bè yó yóm nes yó.