Hlolò 16:21 - Udél Dwata: Gna Kesfasad ne Lomi Kesfasad

²¹ Yó kmoen du, noken te kulu yóm kambing yó yóm lewu hólólen. Bè yóm igoen mnok du, tódô gotu benkasen ebè Dwata kdê sidek deng gel nmò yó kem tau Israél dalang se yóm là gel kimón le ke Dwata. Bè yóm nmò Aron yó, gotu mili ete kulu yóm kambing yó yóm kdê sidek deng benkasen yó koni. Wen tau deng eles nélék le mò fen mlo yóm kambing yó etu bè yóm benwu laen hol wen tauhen.

Hlolò 16:21 Referans Kwoze

2 Kurin 5:21

Yóm Krays, laen kô bang salaen kun. Okóm lemwót bè yóm któbóng Dwata tekuy, yó gónón fen hbô du ke Krays yó kem salà tekuy. Lemwót bè yóm deng kessotu tekuy bè Krays, deng tekuy gomong ne bè yóm kun ktedeng Dwata.

Isaya 53:6

Yóm kdê tekuy, hol tekuy mkél bè ubiha tabag. Tódô sotu kun lemolò kun kóyô. Okóm du fen mbô yóm tafak Dwata hol knóón bélê tekuy.

Kem Lingón 51:3

Tódô tngónu, Dwata, yó kem gónóhu gemsalà béléem. Là kóen mkó bè nawahu yó kem salà deng nmou.

Sulat Pol Ebè Yó Kem Tau Hemtahu Bè Rom 10:10

Abay se lemwót bè yóm kehtahu tekuy, yó se gónón baling tedeng kton Dwata tekuy. Ne lemwót bè yóm gel ktulón tekuy du bè kem dumu tau yóm deng kehtahu tekuy, yó se gónó tekuy gewà gu lem hatay.

Kem Udél Hlalak Tehe Selumun 28:13

Yóm tau limengen salaen laen kô tul kehyu klowilen, okóm yóm tau tódô benkasen bè Dwata yóm salaen ne knogolen, tódô hnifót Dwata.

Kem Lingón 32:5

Yó gónóm mon, deng gotu benkasu ebéléem, Dwata, yó kem salau, laen kô dù bunihu béléem. Bè yóm kebkasu du béléem yóm kdéen, deng gotu hnifótem béléu ne yó kem sidek tehe gel nmou.

Hlolò 16:20

Ke sok deng gotu deng kmò Aron du yóm hlolò Dwata du bè kehólósen yóm Dfél hol gónón nô, dalang se bè klamang yóm Gónô Dwata ne senged se yóm gónó le gel demsù ebè Dwata, ominen yó mit du ebè Dwata yóm sotu kambing tolo mowil.

Hlolò 16:22

Yóm kambing yó, gotu niten hlayuk etu bè yóm benwu laen hol wen tauhen yóm kdê salà le.