Hlolò 16:14 - Udél Dwata: Gna Kesfasad ne Lomi Kesfasad

¹⁴ Bè yóm igoen kmebel, tódô hlós ebè yóm Slungan Fasad ne wen litô eles niten, yóm litô yóm safì tudu dsuen. Yó nmoen, leneben lemen tdoken ominen hemtsik sulék bè kilil sefeng yóm Slungan Fasad, yóm fi bè soluhen ne hitu duléken hemtsik bè lówóhen.

Hlolò 16:14 Referans Kwoze

Hibru 9:25

Yóm tau hol geta bè yó kem tau gel demsù ebè Dwata bè yó kem Ju, ket halayen husek elem tum Dfél gónóhen nô Dwata. Sal wen litô ógóf nwiten elemen. Okóm ke Krays kun, là ket kiwólen du mò du yóm kun dsù.

Hibru 9:13

Yóm sotu tehe hlolò Musis kul, ke wen tau là mólósen lemwót bè yóm deng kehlonihen ebè yóm tau deng matay, yó gel nmò le sal gel wen litô kambing duhen ke litô safì gel hetsik le ebéléen, mung du kohuen yóm sotu safì deng eles hkekeb le. Ke sok deng gotu kmò le du yóm yó, mólós ne kton Dwata du yóm tau là mólósen yó koni.

Hibru 10:4

Abay se yóm litô gel dsù le lemwót bè safì ne bè kambing, là kô gbeken mkó du yó kem salà le.

Hibru 9:7

Okóm yóm gewu dfélen, tek sotu tau gusek elemen, tek són yóm tau hol geta bè yó kem gel demsù ebè Dwata, bede tek suléken husek elemen bè yóm sfalay. Ne là kóen na a gusek elemen ke là wen litô nwiten mò dsuen ebè Dwata. Yóm dsuen yó, mò lan Dwata hmifót yóm kun salà, dalang se yóm kul salà deng gmò yó kem dumu tau là gehedem le du.

Hibru 12:24

Hol lómón ke deng tekuy hloni ebè Jisas. Du se mò du yóm lomi lan mò gónó tekuy hloni ebè Dwata lanen hamà litóen bélê tekuy. Hol lómón ke deng hentsiken tekuy yóm kun litô. Ne yóm litóen yó, tey hyu nefeten senta yóm litô tehe Abél ekni.

Hibru 10:19

Duhen yó, kem dumuhu setwoli, lemwót bè yóm deng khamà Jisas litóen bè yóm tehe katayen, deng wen lan tekuy ne tódô husek elem tum Dfél gónóhen nô Dwata.

Hibru 9:21

Omin Musis bud lemakit hetsik du ebè yóm gónô Dwata. Kólen bè yó kem kimu wen mu le du bè yóm gel kehloni le ebè Dwata, gotu hentsiken litô snéen.

Hlolò 16:19

Ne bud hitu duléken hemtsik du ta yóm gónó le demsù yóm litô nwiten yó. Yó gónón mò du yóm yó anì bud mulék mólós se kun yóm gónó le gel demsù, ne mò mkó là kólós yó kem tau Israél.