Hlolò 16:12 - Udél Dwata: Gna Kesfasad ne Lomi Kesfasad

¹² Ominen ma yóm gónó le gel mit ofi ne nlemen yóm bala ofi nô bè yóm gónó le gel demsù. Ne wen lewu kuf insinsu bulus bud nwahen, yóm alì tilob boohen ne nwiten elem yóm Dfél hol gónón nô Dwata.

Hlolò 16:12 Referans Kwoze

Hlolò 10:1

Wen bè yó kem ngà Aron logi boluy le Nadab ne Abihu. Sotu kdaw bè yóm knô le bè yóm Gónô Dwata gel nit le mógów, sket le ma yóm gónó le gel hemsù ofi ne hensù le bala ofi lemen, omin le mulus du insinsu lem yóm bala ofi yó ne omin le mit du ditu bè Dwata. Okóm yóm ofi yó, ofi lenbù nmò abay se là hmò Dwata du kul.

Lista 16:46

Ne yó mon Musis mò ke Aron, “Nahem yóm gónóm gel hemsù ofi, suem lemen yóm bala ofi lemwót bè yóm gónó le gel demsù ne bnulusem insinsu. Géhél hetlasik nwitem elem blóng yó kem tau ne nmoem lem blóng le yóm sana gel nmoem bè khólós tau anì mólós le bè kton Dwata kul. Hetlasiki, abay se deng sut yóm lebut Dwata ne deng wen des mekto sut lem blóng le.”

Lista 16:18

Tahu se, hayahen bè yó, sotu kun ma yóm gónón hemsù ofi, hensù le bala ofi lemen ne bnulus le insinsu ne mdà le bè bak dól yóm Gónô Dwata. Mung kul Musis ne Aron.

Kehewà 31:11

Kkólen bè yóm hnolo alì tilob boohen angat twél le te kulu yó kem tau néléku mò tóbóng lówóhu ne yóm insinsu alì tilob boohen gel ntem le bè yóm dou Gónô, gotu hmou kul. Bè kmò le du ni kem ni tódô lolò le yóm deng tulónu kóm.”

Hibru 9:14

Ke tehe wen ktueden yóm kul litô yó kem ógóf, milud he ktueden yóm kun litô Krays. Mlan bè kun tóbóng yóm Tulus Dwata laen dù tul katayen, yó gónó Krays tódô hamà du yóm kun klowil mò dsuen ebè Dwata, yóm dsù tódô ket du. Yóm litô dsuen yó, gbeken mkó du bélê tekuy yóm sidek gel hemblat tekuy lemwót bè yóm là kegtóbóngen tekuy yó kem dê tehe gel lolò tekuy. Ne ni kmoen ni, gbek tekuy mò du yóm hmò Dwata tekuy, yóm Dwata laen dù tul katayen.

1 Jan 1:7

Okóm ke deng ye nô lem layag, lómón yóm kun knô lem layag Dwata, yó he gónón wen kesfulung tekuy. Ne yóm litô tehe namà Jisas, yóm Ngà Dwata, yó se fen tendo mkó du bélê tekuy yóm ket salà gel nmò tekuy.

Hibru 9:7

Okóm yóm gewu dfélen, tek sotu tau gusek elemen, tek són yóm tau hol geta bè yó kem gel demsù ebè Dwata, bede tek suléken husek elemen bè yóm sfalay. Ne là kóen na a gusek elemen ke là wen litô nwiten mò dsuen ebè Dwata. Yóm dsuen yó, mò lan Dwata hmifót yóm kun salà, dalang se yóm kul salà deng gmò yó kem dumu tau là gehedem le du.

Deng Hegfan 8:5

Ne ominen bud ma yóm tukung insinsu yóm hógów Dwata yó, ne wen ofi nwahen bè yóm gónó le gel mtem mò lemen du, ne tódô gotu tudaen ete tonok. Sen-gengen se lemugung ne lemték, lelen smilà, ominen mbel yóm tey linol bong te tonok.

Dwata 33:10

Angat lu fen tmolok yó kem kóm tau anì nimón le yó kem hlauhem kul. Bud lu snéen demsù bè yóm gónó gel demsù ebéléem.