Hlolò 16:11 - Udél Dwata: Gna Kesfasad ne Lomi Kesfasad

¹¹ Bong yóm ngà safì tudu Aron, nwiten ebè gónón demsù ne bè yó gónón hmatay du mò hkó yóm kun salà dalang se kul salà yó kem fes lówóhen.

Hlolò 16:11 Referans Kwoze

Hlolò 16:6

Ne yó gna nmò Aron, nan gna demsù ebè Dwata yóm ngà safì tudu deng eles niten bè yó mò mkó yóm kun salà dalang se kul salà yó kem fes lówóhen.

Hibru 9:7

Okóm yóm gewu dfélen, tek sotu tau gusek elemen, tek són yóm tau hol geta bè yó kem gel demsù ebè Dwata, bede tek suléken husek elemen bè yóm sfalay. Ne là kóen na a gusek elemen ke là wen litô nwiten mò dsuen ebè Dwata. Yóm dsuen yó, mò lan Dwata hmifót yóm kun salà, dalang se yóm kul salà deng gmò yó kem dumu tau là gehedem le du.

Hibru 7:27

Là kóen na a mkél bè yó kem dumu tau tehe gel blóng le ebè Dwata. Ke bélê le kul, sal gel wen dsù le ket kdaw. Tanay gónó le gel demsù bè yóm kul salà, omin le tmodol demsù bè salà yó kem dumu tau. Okóm là ke Jisas kun. Tek suléken demsù, bede yó dsuen, kun lówó. Yóm kun kedsù yó, laen kô bud seefen.

Hlolò 16:3

Ke bang kdawen husek elem yóm dfél gónóhu nô yó, là hyuhen ke là nan gna demsù ebéléu sotu ngà safì tudu mò hkó salà ne nan hkekeb ebéléu sotu ubiha logi.”

Hlolò 16:33

ne tódô nuliten yó kem hlolò Dwata bè khólós yóm Dfél hol gónón nô, dalang se bè klamang yóm Gónô Dwata ne bè yóm gónó le gel demsù ebè Dwata. Bud nuliten yóm khólós yó kem dumu tau gel blóng le ebè Dwata ne yóm kdéen tau Israél nô bè kamfù le.