Biblia Todo Logo
Bib sou entènèt

- Piblisite -




Hibru 9:8 - Udél Dwata: Gna Kesfasad ne Lomi Kesfasad

8 Wen hetngónen tekuy yóm Tulus Dwata lemwót bè yóm gel nmò le yó. Yó hetngónen tekuy, là kóen na a hnas yóm Dfél gónóhen nô Dwata ke sana tolo knô yóm tanay dfél bè yóm gónô yó.

Gade chapit la Kopi




Hibru 9:8
15 Referans Kwoze  

Bud mon Jisas se, “Ou se yóm lan, ne ou se yóm ktahuhen ne yóm klowil laen dù sónen. Laen kô dù tau gógów ebè Mà ke là mlanen béléu.


Duhen yó, hol hendem tekuy yóm tehe mon yóm Tulus Dwata, yóm monen, “Ke sok gungol ye ni kemdaw ni yóm udél Dwata ebélê ye,


Lemwót bè yóm deng nmò Krays gónón wen lan tekuy hloni ebè Dwata yóm kdê tekuy, kem tau Ju ne kem tau là Ju le. Yóm kehloni tekuy ebéléen yó, hlanen bè yóm Tulus Dwata deng suen bélê tekuy.


Abay se yóm tehe eles gel tulón le yó, là kóen lemwót bè kehedem tau, okóm bè Dwata gónóhen hol lemwót, yóm Tulusen fen hemlan du bélê le bè yóm kehtugod Dwata du kul.


Ne yóm gewuhen dfél, yó boluy le du, Dfél gónón nô Dwata. Bede wen tey tilob nes mfól seng bè sóólen.


Deng tehe eles tulón Dwata bè Sulaten ekni yóm angat ktedeng ktonen kul yó kem tau là Ju le lemwót bè yóm kehtahu le béléen. Deng tehe tulón Dwata ke Abraham se yóm Tulón Hyu yó, yó monen, “Hlanu béléem yóm angat któbóngu yóm kdéen tau bè klamangen benwu.”Ne tahu se, hentahu Abraham yóm tulón Dwata du yó, ne tey któbóng Dwata du lemwót bè yóm kehtahuhen. Dalang se nim kmoen ni, yóm kdéen tau hemtahu, tey któbóng Dwata kul lómón se yóm tehe któbóngen ke Abraham.


Ou se yóm henged bak tikeb,” mon Jisas. “Yó se mlan bè yóm bak tikeb yó, angat gewà gu lem hatay. Hol lómón ke du yóm ubiha gel hewà na a mótób ne bud gel husek elem kukuben.


Bè yóm kewót le bè yó, là ssotuhen kehedem le lemwót bè yóm sotu bud tulón Pol kul, yóm monen, “Bong tahu se yóm tehe udél yóm Tulus Dwata ebè yó kem tehe fù tekuy ekni, hlanen bè Isaya, yóm sotu tehe gna tugoden.


Bud mon Jisas mò kul, “Tódô tulónu kuy ktahuhen, hol lómón ke ou se bak tikeb kukub yó kem ubiha.


Omin le yó he hemtulón nawa du yóm tehe kun kdaw Musis ekni, yóm sotu tau tehe tóbóng lówó Dwata. Yó sólók le, “Nô se yóm Dwata tehe lemwà yó kem tauhen mifal mohin, mung kul yó kem tau gónó le galak? Nô se yóm Dwata tehe hemsù du bè Musis yóm Tulusen?


Ne yóm Tulus Dwata, bud gemtanud du yóm ktahuhen nim ni. Yó tanay monen,


Yóm ngà le Sekariya yó, sónmoen minut lemnok, ne mtétél se yóm kehtahuhen. Timbow deng bong logi, tódô tólóng sónen du bè yóm benwu laen dù tauhen. Song hegfan bè gónón wadag tau, deng kól bè yóm kdawen tmolok lem blóng yó kem dumuhen tau Israél.


Swiv nou:

Piblisite


Piblisite