Hibru 9:5 - Udél Dwata: Gna Kesfasad ne Lomi Kesfasad

⁵ Bè yóm slungan yó, wen lewu lennged tenwél wen hafak le, sbalà hdà le tahen mò ilô yóm knô Dwata bè yó. Yóm hafak le, tódô gnolungen ta yóm gónó Dwata hmifót salà. Okóm là gket me tmulón du kuy ni kmoen ni kdê yó kem tehe nmò le tu ekni.

Hibru 9:5 Referans Kwoze

Hlolò 16:2

“Hol tulónem ke Aron yóm twoguhem, béen tódô óyô husek elem yóm Dfél hol gónóhu nô sentu yóm nes seng ye. Abay se bè yó lemen fita yóm sefeng yóm Slungan Fasad gónóhu hegfan mung bè lobun. Ke là nimónen du yóm monu ni, angat hatay tafaku du.

Kem Lingón 99:1

Dwata se yóm Hol Geta. Hol le gotu kenkel yóm kdéen tau. Myón bè yóm gónón kmamal bè gónón sóól yó kem hógówen boluyen sirubim. Hol megsinsig yóm klamangen tonok.

Kem Lingón 80:1

Ó Dwata, hol hnungolem nim taba me ebéléem, yakà uu du yóm gel semgyok yó kem tau Israél. Hol hnungolem mi, yakà uu du yóm gel tukô gna kum. Dengi myón bè yóm gónóm myón kmamal geta senta yóm gónó le gel nô yó kem gel hógówem.

Hlolò 16:13

Bè yóm kkólen ditu lem yóm Dfél gónó Dwata nô, lemwót yóm insinsu nwiten, bulusen lem yóm bala ofi anì hol kmebel. Ne lemwót bè yóm tey kebelen, yó gónón là gfan yóm sefeng yóm Slungan Fasad gónó Dwata mkó yó kem salà le. Ke hol loloen yóm hlolò Dwata du yó, là kóen matay.

1 Pitér 1:12

Ne bud hetngón Dwata bè yó kem tehe tugoden yó, là bè kul kehyu du yóm hennagì le yó, okóm bè kuy kehyu. Ne tahu se. Yóm tehe gel tulón le yó ekni, deng gel gungol ye se kuy nim kmoen ni lemwót bè yó kem tau gel tmolok bélê ye yóm Tulón Hyu hlan le bè kfasang yóm Tulus Dwata gu bè longit. Yóm kegewà tekuy gu lem hatay, balù yó kem hógów Dwata gu bè longit, tey tô kóyô le temngón du se kul yóm kmò Dwata du.

Hibru 4:16

Duhen yó, bê tekuy abay likò hloni ebè Dwata, yóm gónón hol nô yóm tóbóng. Ke hloni tekuy ebéléen, angat ton tekuy yóm tey kkoduhen tekuy ne yóm tey kun któbóng bè ket kehtóbóng tekuy béléen.

1 Tutul Israél 28:11

Omin Dabid bemlay du ke Selumun yóm kdê atul mò loloen bè kehdà yóm Gónô Dwata, dalang se yóm mò kmò le yóm gu hmilolen, gomong yóm gónó le gel hemyu yó kem kimu mebtes, ne yó kem dfél ta bè yóm Gónô Dwata, kem dfél lemen, ne yóm dfél hol nô lemen gónón nô yóm Slungan Fasad, yóm gónó Dwata hmifót salà yó kem tau.

2 Bok Kem Tau Hol Geta 19:15

Mni ebè Dwata Hisikaya, monen, “Ó Dwata yóm Dwata yó kem tau Israél, yóm myón kmamal lem blóng yó kem hógówem boluyen sirubim. Tek són uu se yóm Dwata mogot yó kem kdéen benwu talak tonok. Tek són uu se tehe mò longit ne tonok.

1 Samwél 4:4

Tahu se, wen kem tau hógów le ebè Silu mò mangay yóm Slungan Fasad yóm Dwata laen dù là gbeken du, yóm nô lem blóng hafak yó kem hógów Dwata boluy le sirubim. Bè yóm kwit le du yóm Slungan Dwata yó, mung yó kem lewu ngà Ili logi, Hufni ne Finihas.

Ifisus 3:10

Okóm ni kmoen ni, hegfanen yóm tehe bunihen, hlanen bè yó kem tau hemtahu bè Krays, anì hol gfan bè kdéen mfasang wen glalen ditu bè longit yóm tey khulungen hedem Dwata bè kdê nmoen.

Sulat Pol Ebè Yó Kem Tau Hemtahu Bè Rom 9:4

Lu se kem Ju deng néléken mò kem ngaen. Tehe tódô hegfan lem blóng le mlan bè yóm tey keDwatahen. Dê duléken mò fasad bélê le ne blayen bélê le yóm kun hlau hlanen bè Musis. Tey mtukul ktoloken du kul yóm kmò ktaba le ebéléen. Ne tey dê yóm fasaden kul.