Hibru 9:4 - Udél Dwata: Gna Kesfasad ne Lomi Kesfasad

⁴ Wen lemisa lenafin blówón nô lemen mò gónó le gel mtem ebè Dwata yóm alì minggel boohen boluyen insinsu. Ne wen slungan bong lenafin blówón nô lemen snéen. Yó boluy le du, slungan gónón nô yóm fasad Dwata. Wen sotu sobuy blówón nô lemen gónó le hemyu du yóm tehe ken le ekni boluyen mana. Ne sotu bud nô lemen, yóm tehe tuged Aron, yóm tuged tehe tódô dmoun. Ne bud nô lemen snéen yóm lewu botu kufil gónó Dwata tehe smulat du yó kem hlauhen kul.

Hibru 9:4 Referans Kwoze

Lista 17:10

Mon Dwata mò ke Musis, “Bud hulékem bè solu yóm Slungan Fasad yóm kun tuged Aron. Yó se hlós mò eles gónó le temgama yó kem tau Israél alì smonol do. Song gónó le là matay ke tenflok le yóm alì ktalaw le.”

2 Tutul Israél 5:10

Laen kô dumu nô lemen yóm Slungan Dwata yó, tek són yóm lewu kem botu kufil tehe sù Musis lemen bè Bulul Sinay bè yóm tehe kesfasad le Dwata yó kem tau Israél bè yóm kehewà le gu bè Idyip.

Hlolò 16:12

Ominen ma yóm gónó le gel mit ofi ne nlemen yóm bala ofi nô bè yóm gónó le gel demsù. Ne wen lewu kuf insinsu bulus bud nwahen, yóm alì tilob boohen ne nwiten elem yóm Dfél hol gónón nô Dwata.

Kehewà 40:3

Suem lemen yóm Slungan Fasad gónóhen nô yó kem sfolò hlauhu kuy ne tméwéngi nes mò sengen.

Lista 17:5

Yóm tuged yóm tau deng dou nélék angat tódô dmoun bè yó. Bè nim nmou ni mò gónóhu temflok du yóm tendo kudél le eta ye yó kem tau Israél.”

Kehewà 34:29

Bè yóm kosol Musis gu ta yóm Bulul Sinay nwiten yóm Sfolò Hlau Dwata. Tódô sminang lem uyóhen lemwót bè yóm deng kestulónen ke Dwata okóm là kô tngónen du yóm keslinang lem uyóhen yó.Timbow temngel ebè Musis Aron ne kdê yó kem tau, ton le tódô sminang lem uyóhen ne deng le mom likò hloni ebéléen.

Deng Hegfan 8:3

Wen sotu hógów Dwata tonu tódô mógów ebè yóm gónó mtem yóm gel hboo le ebè Dwata, ne mdà bè yó. Wen tukung blówón kulóngen. Ne tey wen yóm gel hboo le blay le du boluyen insinsu mò ntemen anì yó, yóm kebelen mò mung bè yóm gel kni le bè Dwata yó kem tau hemtahu béléen. Yóm gónón mtem du, hono blówón, nô bè solu yóm gónón myón yóm fen kmamal.

1 Bok Kem Tau Hol Geta 8:21

Deng eles hetfingu se yóm mò gónón nô yóm Slungan Dwata, yóm Slungan gónón nô yóm tehe senfasad le Dwata yó kem tehe fù tekuy bè yóm kehewaen kul gu bè Idyip.”

1 Bok Kem Tau Hol Geta 8:9

Laen kô dumu nô lemen yóm Slungan Dwata yó, tek són yóm lewu kem botu kufil tehe sù Musis lemen bè Bulul Sinay bè yóm tehe kesfasad le Dwata yó kem tau Israél bè yóm kehewà le gu bè Idyip.

Lista 17:8

Timbow hayahen bè yó, mógów ebè Gónô Dwata Musis, tódô tonen yóm kun tuged Aron yóm fen mit yóm kun ból Libay deng sana dmoun. Ne wen bulóken hanà tolo lebotù ne wen se deng mból du ne wen se bunguhen deng tógó boluyen almun.

Kehewà 31:18

Timbow deng kudél Dwata ebè Musis ditu ta tfusù yóm Bulul Sinay, ominen bemlay du ke Musis yóm lewu botu kufil gónóhen deng smulat yó kem sfolò hlauhen kul. Tódô Dwata smulat du yó kem hlau yó.

Kehewà 32:15

Omin Musis mulék mosol gu ta yóm bulul, nwiten yóm lewu botu kufil sbalà snulat du yó kem hlau Dwata.

Dwata 9:9

Yó se yóm kdaw tehe knóu ta Bulul Sinay bè yóm naw e kangay yó kem botu kufil gónó Dwata smulat yó kem hlauhen kuy, yóm deng senfasad ye Dwata. Botong fat folò butengu nô bè yó, balù udì ke mkene duhen ke minume.

Dwata 9:11

Bè hol són yóm fat folò butengu nô ta Bulul Sinay, blay Dwata dou yóm lewu botu kufil deng gónón smulat yó kem hlauhen tekuy, yóm deng senfasad ye Dwata.

Deng Hegfan 11:19

Yóm igò le dmóyón ke Dwata, tódô wen lemungkà du yóm Gónô Dwata bè longit, ne gfan bè yó yóm slungan gónóhen nô yó kem tehe fasad Dwata deng tehe snulat le. Ominen mkal yóm tey silà, ne sen-gengen se lemungkul, lel yóm tey leték, ne tey linol bong te tonok, lel yóm tey bulók kulón.