Hibru 9:3 - Udél Dwata: Gna Kesfasad ne Lomi Kesfasad

³ Ne yóm gewuhen dfél, yó boluy le du, Dfél gónón nô Dwata. Bede wen tey tilob nes mfól seng bè sóólen.

Hibru 9:3 Referans Kwoze

Matyu 27:51

Uma kóm bè yóm Gónô Dwata, wen tey nes mfól mò seng yóm dfél hetfing le ebè Dwata. Bè yóm kilot nawa Jisas, tódô sen-gengen lómón ke hninggel dnólóhem bè gónón sóól yóm nes yó, lemwót fi ta kól elaan. Ne tódô sen-gengen se mbel tey linol bong, tódô gotu meskang se yó kem botu lembang.

Kehewà 40:21

Ominen hemsù du lem Gónô Dwata yóm Slungan Fasad yó ne wen nes tléwéngen bè yó mò sengen, hol lómón yóm deng hlolò Dwata du.

Kehewà 40:3

Suem lemen yóm Slungan Fasad gónóhen nô yó kem sfolò hlauhu kuy ne tméwéngi nes mò sengen.

Hibru 9:8

Wen hetngónen tekuy yóm Tulus Dwata lemwót bè yóm gel nmò le yó. Yó hetngónen tekuy, là kóen na a hnas yóm Dfél gónóhen nô Dwata ke sana tolo knô yóm tanay dfél bè yóm gónô yó.

1 Bok Kem Tau Hol Geta 8:6

Omin yó kem tau gel blóng ebè Dwata mit du ebè Gónô Dwata yóm Slungan Dwata yó, ne ditu hol lem yóm Dfél hol gónón nô Dwata gónó le hemsù du. Sù le laan yóm hafak yóm lewu lenged hógów Dwata deng nmò le, boluyen sirubim.Lemwót yóm ból hafak le, tódô lenimunen yóm Slungan Dwata, ne gomong lenimunen snéen yó kem koyu gónó le tmihang du.

Hibru 6:19

Yóm hendón nefet nawa monu yó koni, hol lómón ke hihol yóm klowil tekuy. Angat dohò kton tekuy du, abay se deng eles nô ditu Jisas bè yóm hol gónóhen nô Dwata. Yó gónón là megewu nawa tekuy mangat du.

Isaya 25:7

Ne angat tódô gotu heknasen yóm klangag lemobun eta yóm kdê tauhen bè klamangen benwu.

1 Bok Kem Tau Hol Geta 6:16

Lem yóm Gónô Dwata yó, wen lewu dfélen. Yó boluy yóm sotuhen nô ditu lemen, Dfél hol gónón nô Dwata. Syóm mitru ktahaen, nbeng koyu sidar nbuten bè seel efet kól bè kisamihen.

Hibru 9:7

Okóm yóm gewu dfélen, tek sotu tau gusek elemen, tek són yóm tau hol geta bè yó kem gel demsù ebè Dwata, bede tek suléken husek elemen bè yóm sfalay. Ne là kóen na a gusek elemen ke là wen litô nwiten mò dsuen ebè Dwata. Yóm dsuen yó, mò lan Dwata hmifót yóm kun salà, dalang se yóm kul salà deng gmò yó kem dumu tau là gehedem le du.