Hibru 9:18 - Udél Dwata: Gna Kesfasad ne Lomi Kesfasad

¹⁸ Senged se bè yóm gna lan hlolò Dwata kul tganay. Là kóen hyu ke là wen yóm litô yóm ógóf fen matay.

Hibru 9:18 Referans Kwoze

Hibru 9:22

Bè ktahuhen, bè yóm gna hlolò Dwata kul tganay, là holen wen baling mólós bè yó kem kimu le yó ke laen dù litô sù le du. Ne laen se dù tau hnifót Dwata salaen ke là wen yóm fen gamà litóen.

Hibru 9:14

Ke tehe wen ktueden yóm kul litô yó kem ógóf, milud he ktueden yóm kun litô Krays. Mlan bè kun tóbóng yóm Tulus Dwata laen dù tul katayen, yó gónó Krays tódô hamà du yóm kun klowil mò dsuen ebè Dwata, yóm dsù tódô ket du. Yóm litô dsuen yó, gbeken mkó du bélê tekuy yóm sidek gel hemblat tekuy lemwót bè yóm là kegtóbóngen tekuy yó kem dê tehe gel lolò tekuy. Ne ni kmoen ni, gbek tekuy mò du yóm hmò Dwata tekuy, yóm Dwata laen dù tul katayen.

Kehewà 12:22

Ma ye ngà hanga yóm hulu boluyen hisop ne dù ye lem yóm tukung gónó ye hemsù yóm litô yóm ógóf tnétê ye yó, omin ye lemumang du bè hehek bak dól ye ne bè yóm hlekel ta yóm bak dól ye. Hol béen wen bélê ye hewà bè gónóen efet hlafus.

Hibru 9:17

Ke tolo mowil yóm tau funen smulat du yó, là kô kendel gfun le du yó kem kimuhen yó kem dumuhen. Yó he kegfun le du ke deng matay se yóm tau mfun du.

Hibru 9:19

Yóm tanay nmò Musis ekni, gotu senfalahen yó kem hlau Dwata bè yó kem tau. Ne ominen ma yóm litô yó kem safì ne yó kem kambing deng eles hnatay le, ne nbolen él. Ne wen sotu kay hulu nwahen boluyen hisop, benkesen yóm tnikel hulô nmò le gu bè bul ubiha, ominen mdù du lem yóm litô. Gna hentsiken ta yóm bok gónóhen nô yóm hlau Dwata, ominen hetsik du ebè kdéen tau.